وبلىستىق ستاتيستيكا دەپارتامەنتىنىڭ دەرەكتەرىنە قاراعاندا, ينۆەستيتسيانىڭ 25546,0 ملن. تەڭگەسى نەمەسە 56,9 پايىزى شەتەلدىك, 17841,3 ميلليونى نەمەسە 39,8 پايىزى كاسىپورىنداردىڭ ءوز قارجىسى بولسا, 1500,6 ملن. تەڭگەسى نەمەسە 3,3 پايىزى بيۋدجەت ۇلەسىندە. ينۆەستيتسيانىڭ 73,7 پايىزى ونەركاسىپكە باعىتتالسا, 7,7 پايىزى كولىك پەن قويما, 4,7 پايىزى جىلجىمايتىن م ۇلىكپەن جۇمىس جانە دەنساۋلىق ساقتاۋ, 2,2 پايىزى اۋىل شارۋاشىلىعى, 2 پايىزى ساۋدا سالاسىنا جۇمسالعان. سالىنعان قارجىنىڭ 54,6 پايىزى – ءبورلى, 21,4 پايىزى زەلەنوۆ اۋدانىنىڭ ەنشىسىندە.
تەمىر قۇسايىن. باتىس قازاقستان وبلىسى.
600 000 000 بيىل پايدالانۋعا بەرىلەتىن “سپەتسترانسسترويكومپانيا” جشس-ءنىڭ قۇرىلىس بۇيىمدارىن شىعارۋ زاۋىتىن ىسكە قوسۋ ءۇشىن وسىنشاما تەڭگە قارجى سالىنعان. زاۋىت قۋاتى 500 مىڭ شارشى مەتر تروتۋار پليتكالارىن, 1200 مىڭ دانا جيەك تاستار, 900 مىڭ دانا قابىرعالىق بلوكتار شىعارۋعا مۇمكىندىك بەرەدى. بۇل – باتىس قازاقستانداعى بىردەن-ءبىر ءىرى جوبا. جوبانى جۇزەگە اسىرۋ بارىسىندا گەرمانيا فيرماسىنىڭ جاڭا تەحنولوگياسى پايدالانىلۋدا. زاۋىت ونىمدەرى باتىس قازاقستانعا وتكىزىلەدى جانە ورتالىق ازيا ەلدەرىنە شىعارىلادى دەپ كۇتىلۋدە. قازىر جوباعا بولىنگەن قارجىنىڭ 95 پايىزى يگەرىلدى. ول تولىق ىسكە قوسىلعاندا جاڭادان 30 جۇمىس ورىندارى اشىلادى.
ساتىبالدى ءساۋىرباي. اقتوبە وبلىسى.
156 600 000 وڭىردە “جول كارتاسى” باعدارلاماسى بويىنشا كادرلاردى دايارلاۋ جانە قايتا دايارلاۋعا بولىنگەن قارجىنىڭ وسىنشاماسى يگەرىلگەن. “جول كارتاسى” بويىنشا وڭىردە بيىل الەۋمەتتىك جۇمىس ورىندارىن قۇرۋ جانە جاستار تاجىريبەسىن ۇيىمداستىرۋ باعىتىندا قولعا الىنعان جۇمىستار قۇپتارلىق دەۋگە بولادى. باعدارلاما بويىنشا كادرلاردى دايارلاۋ جانە قايتا دايارلاۋ جالعاسىپ, 4500 ادامدى وقىتۋ ماقساتىندا رەسپۋبليكالىق بيۋدجەتتەن 562,6 ملن. تەڭگە قاراستىرىلعان بولاتىن. ناتيجەسىندە 23 وقۋ ورنىمەن كەلىسىم-شارت جاسالىپ, 3300 ادام دايارلىق كۋرستارىنا جىبەرىلگەن. ولاردىڭ قاتارىندا ەڭبەك سۇرانىسىنا قاجەتتى ماماندىقتار الۋعا باسىمدىق بەرىلىپ, 2100 ادام 2009 جىلدان بەرى وقىپ, كاسىبي ءبىلىم الۋداعى العا قويعان تالاپتارىن جۇزەگە اسىرعان. وسىلايشا بۇگىنگى كۇنگە اتالعان باعدارلاماعا بولىنگەن قارجىنىڭ 156,6 ملن. تەڭگەسى تولىق يگەرىلىپ, جۇمىسسىزدىقتىڭ الدىن الۋ ۇدەرىستەرى ويداعىداي جۇزەگە اسىرىلۋدا.
كۇمىسجان بايجان. الماتى وبلىسى.
