مەملەكەتتىك تاپسىرىستىڭ ارتىقشىلىعى – كوللەدج بىتىرگەن سوڭ ستۋدەنت تاپسىرىس بەرۋشىنىڭ كومپانياسىندا جۇمىس ىستەيدى. ول ءۇشىن ءبىلىم بەرۋ ۇيىمى, كاسىپورىن جانە ستۋدەنت اراسىندا ءۇش جاقتى كەلىسىمشارت جاسالادى. وقۋ-اعارتۋ مينيسترلىگى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ەرنات ءجۇنىسوۆتىڭ ايتۋىنشا, اتالعان ۆەدومستۆو بيىلعى وقۋ جىلىنان مەملەكەت باسشىسىنىڭ تاپسىرماسىنا سايكەس جۇمىس بەرۋشىنىڭ وتىنىمدەرى نەگىزىندە وقىتۋدى باستاعان.
– كوللەدجدەر ەڭبەك نارىعىنا قاجەت كادر دايىندايدى. كاسىپورىندارعا ءوز بازاسىندا تاجىريبەدەن وتكىزۋ, تاعىلىمداما ۇيىمداستىرىپ, تۇلەكتەردى جۇمىسقا قابىلداۋ جۇكتەلەدى, – دەيدى ول.
ايتا كەتەيىك, ماقساتتى تاپسىرىس كوللەدجدەرگە كادرلىق سۇرانىسقا ساي ءبىلىم بەرۋ باعدارلاماسىن جاڭارتۋعا مۇمكىندىك تۋعىزادى. قازىرگى تاڭدا مامان دايارلاۋدى «سارىارقا اۆتوپروم», «Kamaz» جشس, «ارسەلور ميتتال تەمىرتاۋ» اق, «كەنتاۋ ترانسفورماتور زاۋىتى» اق, «بازيس-استانا», «اster اuto اstana» جشس جانە باسقا دا ءىرى كاسىپورىندار قولداپ وتىر.
قىسقاسى, 10 مىڭنان اسا كوللەدج ستۋدەنتى كاسىپورىنداردىڭ تاپسىرىسى بويىنشا ءبىلىم الادى.
