«2022 جىلى جەر قويناۋىن پايدالانۋعا سالىنعان ينۆەستيتسيا سوماسى 7,7 ترلن تەڭگە, ونىڭ ىشىندە وندىرىسكە – 2,8 ترلن تەڭگە, گەولوگيالىق بارلاۋعا - 135,7 ملرد تەڭگە, قالعان 4,7 ترلن تەڭگە كۇردەلى شىعىندارعا, وڭىرلەردىڭ الەۋمەتتىك-ەكونوميكالىق دامۋىنا (واەد), ازاماتتاردى وقىتۋعا, عزتكج-عا تيەسىلى بولدى», دەدى اسحات حاسەنوۆ قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگ بارىسىندا.
اسحات حاسەنوۆ ۆەدومستۆونىڭ سالالىق زاڭنامانى جەتىلدىرۋ بويىنشا جۇرگىزىپ جاتقان جۇمىسى تۋرالى ەگجەي-تەگجەيلى ايتىپ بەردى.
2022 جىلى ەنەرگەتيكا مينيسترلىگى جەر قويناۋى تۋرالى كودەكسكە كەلەسى تۇزەتۋلەر دايىنداعان:
- ءوندىرىلۋى قيىن قورلاردى يگەرۋگە تارتۋ ماقساتىندا ء«داستۇرلى ەمەس كومىرسۋتەكتەر» بولىگىنە بىرقاتەر نورمالار ەنگىزىلدى. بۇل باستاما «جەڭىل مۇنايدى» يگەرۋدەن «شىعارىلۋى قيىن مۇنايعا» كوشۋگە دايىن بولۋعا جانە ونى الدىن الا قاراستىرۋعا مۇمكىندىك بەرەدى.
- اۋكتسيوندار ارقىلى جەر قويناۋىن پايدالانۋ قۇقىعىن بەرۋ راسىمدەرى جەڭىلدەتىلدى, اتاپ ايتقاندا: مەملەكەتتىك ورگانداردىڭ قولدانىستاعى دەرەكقورلارىمەن ينتەگراتسيا, بۇل اۋكتسيونعا ۇسىنىلاتىن قۇجاتتاردىڭ سانىن قىسقارتۋعا مۇمكىندىك بەرەدى; كەپىلدىك جارنانى ەنگىزۋ; ەكىنشى ورىن العان قاتىسۋشىمەن كەلىسىمشارت جاساسۋ.
- رەتتەۋشىلىك جانە فيسكالدىق پرەفەرەنتسيالاردىڭ ەلەۋلى پاكەتىن بەكىتەتىن كۇردەلى جوبالار بويىنشا جەر قويناۋىن پايدالانۋ سالاسىندا «جاقسارتىلعان مودەلدىك كەلىسىمشارت» (جمك) ەنگىزىلدى.
جمك تەتىگى ەلدىڭ مينەرالدى-شيكىزات بازاسىن تولىقتىرۋعا جانە كۇردەلى جوبالار بويىنشا ينۆەستيتسيا تارتۋعا مۇمكىندىك بەرەدى.
«اۋكتسيون ارقىلى كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋ ءراسىمى 2020 جىلدان باستاپ تولىعىمەن اۆتوماتتاندىرىلعان جانە ەلەكتروندى تۇردە كورسەتىلەدى, بۇل ونىڭ بارىنشا اشىقتىعىن قامتاماسىز ەتەدى», دەدى ۆيتسە-مينيستر.
2020-2021 جىلدارى 3 ەلەكتروندىق اۋكتسيون وتكىزىلگەنى اتاپ ءوتىلدى. ناتيجەسىندە كومىرسۋتەكتەردى ءوندىرۋدى بارلاۋعا جانە وندىرۋگە 39 جاڭا ۇلگىلىك كەلىسىمشارت جاسالدى. مەملەكەتتىك بيۋدجەتكە تولەنگەن قول قويۋ بونۋسىنىڭ سوماسى 12,8 ملرد تەڭگەنى قۇرادى, گەولوگيالىق بارلاۋعا 237,4 ملن دوللار سوماسىنا ينۆەستيتسيا تارتىلدى.
«2022 جىلى ەنەرگەتيكا مينيسترلىگى 2 اۋكتسيون وتكىزدى, وعان 55 جەر قويناۋى ۋچاسكەسى شىعارىلدى. اۋكتسيونداردىڭ ناتيجەلەرى بويىنشا شامامەن 26 ملرد تەڭگە سوماعا قول قويۋ بونۋسىن تولەي وتىرىپ, 38 جەر قويناۋى ۋچاسكەسى وتكىزىلدى. گەولوگيالىق بارلاۋعا سالىنعان ينۆەستيتسيالار 100,0 ملن دوللاردان استى», دەپ تۇيىندەدى اسحات حاسەنوۆ.
