جاساندى ينتەللەكت - جينالعان اقپاراتتى قولدانا وتىرىپ, كەز كەلگەن تاپسىرمالاردى ورىندايتىن الگوريتمدىك جۇيە. جاساندى ينتەللەكت ادامنىڭ قولىنان كەلە بەرمەيتىن تاپسىرمالاردى وڭاي ءارى تەز ورىنداي الادى. شاعىن جوبالاردى ىسكە اسىرۋ باعىتىندا دا جاساندى ينتەللەكتتىڭ مۇمكىندىكتەرى شەكسىز ەكەنىن اڭعارۋعا بولادى.
جالپى, جاساندى ينتەللەكتتىڭ مۇمكىندىگى شەكسىز. ونى كۇندەلىكتى ومىرمىزدە ورىن الىپ جاتقان الگوريتمدەردەن دە بايقاي الامىز.
مىسالى:
- چاتبوتتار. تۇتىنۋشىلاردىڭ سۇراۋىن تەزىرەك تالداۋ جانە ءتيىستى جاۋاپتى بەرۋ ءۇشىن قولدانىلادى;
- اقپاراتتاردى جيناقتاۋ. دەرەكتەر جيىنتىعىنان اقپاراتتى ەركىن تۇردە الۋ جانە جوسپارلاۋ مۇمكىندىگىن بەرەدى;
- ۇسىنىس جۇيەلەرى. قولدانۋشىلاردىڭ بۇرىن قاراعان اقپاراتتارىنا ۇقساس اقپارات ۇسىنۋ.
«مۇنىڭ جاعىمدى دا, جاعىمسىز جاقتارى دا بار. ونى پايدالانۋدىڭ پايدالى تۇستارى وتە كوپ. دەسە دە ول - يادرولىق بومبالار سياقتى ۇلكەن قاۋىپ ءتوندىرۋى مۇمكىن ەكەنىن ەستەن شىعارماۋ قاجەت. سوندىقتان بىزگە بۇل سالانى ءالى دە جان-جاقتى زەرتتەۋ قاجەت», دەدى كاسىپكەر.
