«اماNات پارتياسىنىڭ پارتيالىق تىزىمىندە 90 ادام بار. ونىڭ ىشىندە 29 ادام ايەلدەر. جاستار جانە مۇگەدەكتەر جالپى ساننىڭ 32,2% قۇرايدى. ورتالىق سايلاۋ كوميسسياسى ۋاكىلەتتى مەملەكەتتىك ورگاندارمەن بىرلەسىپ, پارتيالىق تىزىمگە ەنگىزىلگەن ادامداردىڭ كونستيتۋتسيا مەن «سايلاۋ تۋرالى» كونستيتۋتسيالىق زاڭ تالاپتارىنا سايكەستىگىن تەكسەردى. پارتيالىق تىزىمگە ەنگىزىلگەن تۇلعالاردىڭ بارلىعى كونستيتۋتسيا مەن «سايلاۋ تۋرالى» كونستيتۋتسيالىق زاڭ تالاپتارىنا ساي», دەدى وسك حاتشىسى مۇحتار ەرمان.
ونىڭ ايتۋىنشا, 2021 جىلدىڭ 10 قاڭتارىندا وتكەن ءماجىلىس دەپۋتاتتارىن سايلاۋدا «اماNات» پارتياسى 71,09 پايىز داۋىس جيناعان, وسىعان بايلانىستى پارتيا سايلاۋ جارناسىن تولەۋدەن بوساتىلعان.
7 اقپاندا وتكەن كەزەكتەن تىس سەزدە «اماNات» پارتياسىنان ۇمىتكەرلەر ءتىزىمى بەكىتىلدى. وعان پارتيالىق ءتىزىم بويىنشا 90 ادام, ءبىر مانداتتى وكرۋگتەردەن 29 ادام كىردى. وسىلايشا, الداعى سايلاۋعا قاتىسۋعا 119 كانديدات ۇسىنىلىپ وتىر.
قازاقستاندا ءماجىلىس دەپۋتاتتارىنىڭ سايلاۋى 19 ناۋرىزدا وتەدى. ءدال وسى كۇنگە ءماسليحات دەپۋتاتتارىن سايلاۋ بەلگىلەندى.
