قۇتقارۋ بريگاداسى ابدۋل مۋسا كوشەسىنىڭ بويىنداعى جەتى قاباتتى تۇرعىن ءۇيدىڭ ءۇيىندىسى استىنان جاس جىگىتتى تاپقان. ولار سەگىز كۇننەن استام ۋاقىت قيراندى استىندا جاتقان چەتيندى بىردەن اۋرۋحاناعا جەتكىزگەن.
وسىعان ۇقساس وقيعا 1992 جىلى 13 ناۋرىزدا بولعان ەدى. ول كەزدە تۇركيانىڭ ەرزيندجان پروۆينتسياسىندا جەر سىلكىنىپ, ءۇيىندى استىندا 187 ساعات جاتقان نۋردجان ەراسلان ەسىمدى مەدبيكە قۇتقارىلعان بولاتىن.
پرەزيدەنت رەجەپ تايىپ ەردوعان تابيعي اپات قۇرباندارىن ەسكە الۋ ءۇشىن تۇركيادا جەتى كۇندىك ۇلتتىق ازا تۇتۋ جاريالادى. تۇركيانىڭ مەملەكەتتىك تۋى بۇكىل ەلدە جارتىلاي ءتۇسىرىلدى.
جويقىن جەر سىلكىنىسى كورشىلەس ەلدەردە, سونىڭ ىشىندە سيريا, ليۆان, سولتۇستىك كيپردىڭ تۇرىك رەسپۋبليكاسى, گرەكيا كيپرىندە جانە يراكتا دا سەزىلدى.
ايتا كەتەيىك, 6 اقپاندا ەپيتسەنترى تۇركيانىڭ كاحرامانماراش قالاسىندا بولعان جويقىن جەر سىلكىنىسىنەن قازا تاپقاندار سانى بۇگىندە 31,6 مىڭنان استى.
