ءىس-شاراعا ەلشى جانىبەك ءابدراشوۆ, قازاق-ماجار «بارس» قورىنىڭ پرەزيدەنتى اندراش گال, اباي ورتالىعى مەن قازاق دياسپوراسىنىڭ جەتەكشىسى وڭعايشا ماندوكي, تۇركى مەملەكەتتەرى ۇيىمىنىڭ ماجارستانداعى وكىلدىگىنىڭ باسشىسى يانوش حوۆاري, «ەۋرازيالىق بىرلىك» قورىنىڭ پرەزيدەنتى يشتۆان بەنتسە, نازارباەۆ ۋنيۆەرسيتەتىنىڭ قازاق ءتىلى جانە تۇركىتانۋ كافەدراسىنىڭ پروفەسسورى, تۇركولوگ داۆيد شومفاي قارا, قازاق دياسپوراسىنىڭ وكىلدەرى, ستۋدەنتتەر قاتىستى.
قۇتتىقتاۋ سوزىندە اندراش گال 25 جىلدان استام قازاقستان مەن ماجارستان اراسىنداعى عىلىمي جانە مادەني بايلانىستاردى دامىتىپ كەلە جاتقان قوردىڭ قىزمەتى تۋرالى ايتتى.
قازاقستان ەلشىسى بۇل ءىس-شارانىڭ قازاق دياسپوراسى, سونداي-اق ماجارستانداعى جوعارى وقۋ ورىندارىندا ءبىلىم الىپ جاتقان جاستار اراسىندا قازاقتىڭ سالت-ءداستۇرى مەن ادەت-عۇرپىن نىعايتۋعا باعىتتالعانىن اتاپ ءوتتى.
قوناقتارعا «تۇساۋ كەسۋ», «بەتاشار», «قىز قۋ» سياقتى سالت-داستۇرلەر مەن ۇلتتىق مۋزىكانىڭ «كۇي», «كۇي-تارتىس», «تەرمە» سياقتى نەگىزگى جانرلارى تانىستىرىلدى. سونىمەن قاتار ماجار مۋزىكانتتارى تاماش پالچو مەن توروك تيللا «كوزىمنىڭ قاراسى», «قۋانىش ءۆالسى» سىندى قازاق اندەرىن, سونداي-اق ماجار حالقىنىڭ «ۆيراگوم – گ ۇلىم» ءانىن دومبىرامەن ورىندادى.
ماجار دوستار قازاقتىڭ اسپازدىق داستۇرلەرىمەن تانىستى. ءىس-شارا سوڭىندا قوناقتار مەرەكەلىك داستارحاننان ۇلتتىق تاعامداردىڭ ءداستۇرلى تاعامدارىنان ءدام تاتتى.
