بۇگىن مەملەكەت باسشىسى اقمولا وبلىسىنا جۇمىس ساپارى بارىسىندا كوكشەتاۋ قالاسىنداعى قازاقستان رەسپۋبليكاسى توتەنشە جاعدايلار مينيسترلىگىنىڭ م.عابدۋللين اتىنداعى ازاماتتىق قورعاۋ اكادەمياسىنا بارىپ, كۋرسانتتارمەن اڭگىمەلەستى.
«ازاماتتىق قورعاۋ جۇيەسى تۇراقتى جاڭعىرتۋدى قاجەت ەتەدى. بۇگىنگى تاڭدا وزىق الەمدىك تاجىريبەنى قابىلداپ, زاماناۋي تەحنولوگيالاردى ەنگىزۋ وتە ماڭىزدى. قۇتقارۋشىلاردى ساپالى دايىنداۋعا ەرەكشە نازار اۋدارۋ كەرەك. بۇل ماسەلەدە, ارينە, كومانديرلەر مەن ۇستازدار باستى ءرول اتقارادى. بۇل رەتتە وقۋ جاعدايلارىنىڭ ماڭىزى زور. مەنىڭ تاپسىرمام بويىنشا ۇكىمەت اكادەميانىڭ ماتەريالدىق-تەحنيكالىق بازاسىن نىعايتۋ بويىنشا جۇمىس جۇرگىزىلىپ جاتىر. جالپى مەملەكەت قۇتقارۋشىلاردىڭ ەڭبەكاقىسىن ارتتىرۋ جانە الەۋمەتتىك قامسىزداندىرۋدى جاقسارتۋ بويىنشا جۇيەلى شارالار قابىلداپ جاتىر», دەدى قاسىم-جومارت توقاەۆ.
پرەزيدەنتتىڭ تاپسىرماسى بويىنشا 2023 جىلى قۇتقارۋشىلاردىڭ جالاقىسىن 10 پايىزدان 70 پايىزعا دەيىن ارتتىرۋ قاراستىرىلعان.
