«بالالارىنىڭ قاۋىپسىزدىگىنە الاڭدامايتىن وتباسى جوق. مەكتەپتىڭ ىشىندە دە بالالارعا قاۋىپ تونەتىنىن كورىپ وتىرمىز. سوندىقتان بۇل ماسەلەنى قايتا قاراپ, وقۋ ورىندارىنا تەكسەرۋ جۇرگىزۋ قاجەت. مەكتەپتەردە بەينەكامەرالاردىڭ سانىن كوبەيتىپ, كىرەبەرىس جەرلەردە باقىلاۋدى كۇشەيتۋ ماسەلەسىن قولعا الۋ كەرەك», دەدى پرەمەر-مينيستر.
وسىعان بايلانىستى ۇكىمەت باسشىسى:
- ىشكى ىستەر مينيسترلىگىنە بالالاردىڭ قاۋىپسىزدىگىن ارتتىرۋ بويىنشا كەلىسىلگەن ۇسىنىستار ەنگىزۋدى;
- دەنساۋلىق ساقتاۋ مينيسترلىگىنە زارداپ شەككەن بالالاردى ەمدەۋدى ەرەكشە باقىلاۋعا الۋدى;
- وقۋ-اعارتۋ مينيسترلىگىنە ىشكى ىستەر جانە توتەنشە جاعدايلار مينيسترلىكتەرىمەن بىرلەسىپ, قاۋىپسىزدىك ساباقتارىن ازىرلەۋدى تاپسىردى.
