ورتالىق سايلاۋ كوميسسياسىنىڭ حاتشىسى مۇحتار ەرماننىڭ مالىمدەمەسى بويىنشا حالىقارالىق بايقاۋ ينستيتۋتى اشىلعاننان بەرى 3 شەت مەملەكەتتەن, 2 حالىقارالىق ۇيىمنان 62 بايقاۋشى رەسمي تىركەۋدەن وتكىزىلگەن. بۇگىنگى تاڭدا جاڭادان 3 شەت مەملەكەت پەن 2 حالىقارالىق ۇيىمنان 12, ونىڭ ىشىندە كورەيا رەسپۋبليكاسىنان – 1, قىرعىزستاننان – 1, تمد-نىڭ بايقاۋشىلار ميسسياسىنان – 7, دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ سايلاۋدى بايقاۋ جونىندەگى ميسسياسىنان 2 بايقاۋشى اككرەديتتەلدى.
«سونىمەن قاتار 10 اقپاندا ورتالىق سايلاۋ كوميسسياسىنا 2023 جىلعى 19 ناۋرىزعا تاعايىندالعان ءماجىلىس دەپۋتاتتارىنىڭ كەزەكتەن تىس سايلاۋىنا تىركەۋدەن وتكەن دياقب ميسسياسىنىڭ 2 مۇشەسى بايقاۋعا قاتىسا المايتىندىعىن مالىمدەپ, بىزگە سىرتقى ىستەر مينيسترلىگىنەن ولاردى تىزىمنەن الىپ تاستاۋ تۋرالى ۇسىنىم كەلىپ ءتۇستى. وسىعان بايلانىستى دياقب ميسسياسىنىڭ 2 بايقاۋشىسىنىڭ تىركەلۋىن كەرى قايتارىپ الۋ تۋىنداپ وتىر», دەدى كوميسسيا وتىرىسىندا ورتالىق سايلاۋ كوميسسياسىنىڭ حاتشىسى مۇحتار ەرمان.
سايلاۋ كوميسسياسى ۇسىنىلعان بايقاۋشىلاردى تىركەۋ جانە 2 بايقاۋشىنىڭ تىركەلۋىن قايتارىپ الۋ تۋرالى قاۋلىنى ءبىراۋىزدان قابىلدادى.
