ورال اقشولاقوۆ 170-تەن استام عىلىمي قولجازبانىڭ, سونداي-اق قازاقستان مۇناي ەنتسيكلوپەدياسىنىڭ ەكى باسىلىمىنىڭ اۆتورى. سونىمەن قاتار, پرورۆا, مارتىشي, قامىشتىتوۆى, جاڭاجول, جەتىباي, وزەن, تاسبولات, كەڭقياق, ورىكتاۋ, قاراشىعاناق جانە ت.ب. بىرقاتار مۇناي-گاز كەن ورىندارىن اشقان عالىم.
ورال اقشولاق ۇلى اقشولاقوۆ 1936 جىلى 16 ماۋسىمدا اتىراۋ قالاسىندا دۇنيەگە كەلگەن. 1958 جىلى گۋبكين اتىنداعى ماسكەۋ مۇناي ينستيتۋتىن گەولوگ ماماندىعى بويىنشا بىتىرگەن.
1976 جىلى «كاسپي ويپاتىنىڭ وڭتۇستىك بولىگىندەگى مۇناي-گاز كەن ورىندارىنىڭ گەولوگيالىق قۇرىلىمى مەن ورنالاسۋىنىڭ ەرەكشەلىكتەرى» تاقىرىبىندا كانديداتتىق ديسسەرتاتسياسىن قورعادى.
ەڭبەك جولىن 1958 جىلى باتىس قازاقستان گەولوگيالىق باسقارماسى مەن گۋرەۆ كەشەندى اۋماقتىق مۇناي جانە گاز بارلاۋ ەكسپەديتسياسىنىڭ كوللەكتورى بولىپ باستادى. بىرنەشە جىل گەولوگيالىق ەكسپەديتسيالاردا جۇمىس ىستەدى.
1992-1994 جىلدارى - قازاقستان گەولوگيا جانە جەر قويناۋىن قورعاۋ مينيسترلىگىنىڭ باس مۇناي-گاز باسقارماسىنىڭ باستىعى. 1994 جىلدان 1998 جىلعا دەيىن «قازمەملەكەتتىك» رمك مينەرالدىق رەسۋرستار باس باسقارماسى باستىعىنىڭ ورىنباسارى بولدى. ودان كەيىن بىرنەشە جىل «ستەپنوي لەوپارد» بىرلەسكەن كاسىپورنىنىڭ باس ديرەكتورى, «تاۋ-كەن جانە ەكونوميكالىق كونسالتينگ» جشس باس مامانى قىزمەتتەرىن اتقاردى.
2003 جىلدان باستاپ ماراباەۆ اتىنداعى «مۇنايشى» قوعامدىق قورىنىڭ قۇرىلتايشىسى جانە قامقورشىلىق كەڭەسىنىڭ مۇشەسى بولدى.
