جەدەل ىزدەستىرۋ شارالارى بارىسىندا پوليتسەيلەر ينتەرنەت ارقىلى شاعىن پاكەتتەرگە ورالعان ەسىرتكى زاتتارىن ساتقان جانە جاسىرىن جەرگە ورنالاستىرعان ادامنىڭ جەكە باسىن انىقتادى. ۇستاۋ كەزىندە جاس جىگىتتەن اق ءتۇستى ۇنتاق زاتى بار 5 بۋما تابىلىپ, تاركىلەندى. تۇرعىلىقتى جەرى بويىنشا كۇدىكتىدەن ەسىرتكى زاتتارى سالىنعان پاكەتتەر, سونداي-اق ولاردى بۋىپ-تۇيۋگە ارنالعان زاتتار تاركىلەندى.
ساراپتاما ناتيجەلەرى بويىنشا ۇستالعان ادامنان ەڭ قاۋىپتى & – PvP سينتەتيكالىق پسيحوستيمۋلياتور تاركىلەندى, ونىڭ جالپى سالماعى 1,4 كەلىدەن اسادى. بۇل اسا ءىرى كولەم بولىپ سانالادى. قازىرگى ۋاقىتتا اتالعان دەرەككە قاتىستى قر قك-ءنىڭ 297-بابىنىڭ 3-بولىگىندە كوزدەلگەن قىلمىس بەلگىلەرى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالىپ, باسقا ادامداردىڭ قىلمىستىق ارەكەتكە قاتىسى انىقتالىپ جاتىر.
ايىپتالۋشىنىڭ مۇلكى تاركىلەنىپ, 15 جىلعا دەيىن باس بوستاندىعىنان ايىرىلۋى مۇمكىن.
