قاداعالاۋ ورگانىنىڭ مالىمەتى بويىنشا, باس كەڭسە الماتى قالاسىندا ورنالاسقان, سونىمەن قاتار وڭىرلەردە 12 فيليال جۇمىس ىستەگەن.
«AMAZON جاھاندىق پلاتفورماسىندا (اقش) ساۋدا جاساۋدى جەلەۋ ەتىپ, سەنىمگەرلىك باسقارۋ نەگىزىندە ازاماتتار ودان ءارى پايىزدىق تابىس الۋ ءۇشىن اقشا سالعان. ينۆەستورلارعا تۇسكەن سۋممانىڭ 96 پايىزىنا دەيىن پايدا كورۋ ۋادە ەتىلگەن», دەپ حابارلادى باس پروكۋراتۋرانىڭ ءباسپاسوز قىزمەتىنەن.
سونىمەن قاتار 1345 ازاماتقا 6 ميلليارد تەڭگەدەن استام شىعىن كەلتىرىلگەن.
«پروكۋراتۋرا باس كەڭسە جانە فيليال باسشىلارىنىڭ, سونداي-اق ازاماتتاردى الداۋ سحەماسىن جاساعانداردىڭ كىناسىن دالەلدەدى. بوستاندىق اۋداندىق سوتىنىڭ ۇكىمىمەن 15 ادامعا باس بوستاندىعىنان ايىرۋدىڭ ناقتى مەرزىمى تاعايىندالدى (6 جىلدان 7 جىلعا دەيىن)», دەلىنگەن باس پروكۋراتۋرانىڭ ءباسپاسوز قىزمەتى تاراتقان حابارلامادا.
