اقپاراتتار اعىنى

● جىل باسىنان وڭدەۋ ونەر­كا­سiبiندە 35 ملرد. تەڭگەنiڭ جوبا­لارىن نەسيەلەۋ ماقۇلداندى. ولار 116 جوبانى قۇرايدى. بۇل تۋرالى مالىمدەگەن ەكونوميكا جانە بيۋدجەتتiك جوسپارلاۋ مينيسترi ەر­بولات دوساەۆ قازىرگە دەيىن 56 جو­بانىڭ 6,6 ملرد. تەڭگە قارجى العانىن دا ايتتى. ● قازاقستاننىڭ سىرتقى ساۋدا اينالىمى جىل باسىنان بەرى 31,1 ملرد. دوللارعا جەتتى. يمپورتتىڭ قىسقارۋى مەن ەكسپورتتىڭ ءوسۋى نا­تيجەسىندە اعىمداعى وپەراتسيالار شوتىنىڭ ءپروفيتسيتى وتكەن جىلعى ءبىرىنشى توقسانمەن سالىستىرعاندا, 2,5 ەسەگە ءوسىپ, 5,5 ملرد. دوللاردى قۇراعان. ● استانا كۇنىن اتاپ وتۋگە شا­ما­مەن 700 ملن. تەڭگە ءبولىندى. اس­تانا قالالىق مادەنيەت باسقار­ما­سىنىڭ باسشىسى بولات ماجا­عۇ­لوۆ­تىڭ ايتۋىنشا, جىل سايىن بۇل شى­عىن­نىڭ كولەمى قىسقارىپ كەلەدى. ● الماتىدا 5 ايدا نەگىزگى كاپيتالعا 146 ملرد. تەڭگە ينۆەستيتسيا سالىندى. وڭتۇستىك مەگاپوليستىڭ كاسىپورىندارى مەن ۇيىمدارى يگەرگەن ينۆەستيتسيا ۇلەسى رەسپۋبليكالىق كولەمنىڭ 7,9 پايىزى بولادى. ● قىزىلوردادا «التىن بەلگى» يەگەرلەرى ماراپاتتالدى. ۇلتتىق بىرىڭعاي تەستىلەۋدە ءوز بىلىمدەرىن دالەلدەگەن 94 تۇلەككە وبلىس اكىمى قىرىمبەك كوشەرباەۆ «التىن بەلگىنى» سالتاناتتى تۇردە تابىستادى. ول سونىمەن قاتار, بارلىق ورەندەرگە ارنايى توسبەلگى تاعىپ, نوۋتبۋك سىيلادى. ● شىعىس قازاقستان وبلى­سىندا وتكەن بەس ايدىڭ قورى­تىن­دىسى شىعارىلدى.  ونىڭ قورى­تىن­دىسىنا ارنالعان جيىندا وبلىس اكىمى بەردىبەك ساپارباەۆ ايماقتا الەۋمەتتىك-ەكونوميكالىق كورسەتكىشتەر بويىنشا ىلگەرىلەۋ ورىن العانىن اتاپ ءوتتى. تەك تاۋ-كەن ونەركاسىبىندە عانا ارتتا قالۋشىلىق كەزدەستى. سول سياقتى سەمەي قالاسى مەن گلۋبوكوە اۋدانىندا نازار اۋداراتىن تۇستار بار. وسىعان وراي ايماق باسشىسى ءتيىستى تۇلعالارعا ناقتى تاپسىرمالار بەردى. ● وڭتۇستىكتىڭ سارىاعاش اۋدانىندا بانان ءوسىپ, كيۆي گۇلدەدى. جەرگىلىكتى شارۋالار جەرگىلىكتى اۋا رايىندا تروپيكالىق ايماقتاردا عانا كەزدەسەتىن وسىمدىكتەردى وسىرە باس­تادى. اۋدان تۇقىمباعىنداعى كيۆي, بانان, انار, قۇرما, ليمون سەكىلدى وسكىندەر بۇل جەردى جەرسىنگەنىن بايقاتتى. ● قوستانايدىڭ زاتوبولىندا كونديتەرلىك فابريكا سالىنىپ جاتىر. وبلىستىڭ قوستاناي اۋدانىندا بوي  كوتەرگەن بۇل نىسان وسى جىلدىڭ قاراشا ايىندا ىسكە قوسىلادى. وندا نان-توقاش جانە كونديتەرلىك ونىمدەر دايىندالادى. حابارلار BNews.kz, اltaynews.kz, اlau.kz, Egemen.kz اگەنتتىكتەرى, وڭتۇستىك قازاقستان جانە قىزىلوردا وبلىستىق اكىمدىكتەرى سايتتارىنىڭ دەرەكتەرى بويىنشا دايىندالدى.