ۆەدومستۆونىڭ حابارلاۋىنشا, مەملەكەت باسشىسى قاسىم-جومارت توقاەۆتىڭ تاپسىرماسى اياسىندا جەكەلەگەن ساناتتارعا جاتاتىن ازاماتتاردىڭ ماسەلەسىن جەدەلدەتىپ شەشۋ ءۇشىن قازىر ەلىمىزدە جەكە تۇرعىن ءۇي قورىنداعى باسپانانىڭ جالعا الۋ اقىسىن سۋبسيديالاۋ تەتىگى ىسكە اسىرىلىپ جاتىر.
«بيىل وسى ماقساتقا 50 ملرد تەڭگە بولىنەدى. بۇل 70 مىڭعا جۋىق ادامدى قامتۋعا مۇمكىندىك بەرىپ, ولاردىڭ باسپانانى جالعا الۋداعى تولەمىنىڭ 50 پايىزىن وتەۋگە سەپتەسەدى», دەلىنگەن حابارلامادا.
اتالعان باعدارلاماعا قاتىسۋ ءۇشىن Otbasybank.kz پلاتفورماسىنا ءوتىنىش جىبەرۋ قاجەت.
«سۋبسيديالاۋعا وتىنىشتەر ەلەكتروندى تسيفرلى قولتاڭبا (ەتسق) ارقىلى قابىلدانادى. سونىمەن قاتار جالعا بەرىلەتىن تۇرعىن ءۇيدى ازاماتتار وزدەرى ىزدەپ, تاڭداۋى ءتيىس. «وتباسى بانك» تۇرعىن ءۇيدى جالعا الۋ بويىنشا سۋبسيديالاردى جالداۋ شارتىنىڭ قولدانىلۋ مەرزىمى مەن تولەمدەردىڭ كەستەسىنە سايكەس اي سايىن تولەيدى», دەلىنگەن مينيسترلىك حابارلاماسىندا.
جالعا الۋ تولەمدەرى بويىنشا مەملەكەتتىك سۋبسيديانى الۋعا كەلەسى ساناتتاعى ادامدار ۇمىتكەر بولا الادى:
- I جانە II توپتاعى مۇگەدەكتەر;
- مۇمكىندىگى شەكتەۋلى بالالاردى تاربيەلەپ وتىرعان وتباسىلار;
- جەتىم بالالار;
- كوپ بالالى وتباسىلار.
بۇل رەتتە, ۇمىتكەر وتباسىلاردىڭ كەيىنگى 6 ايداعى ورتا ايلىق جيىنتىق تابىسىنىڭ مولشەرى جانۇيانىڭ ءار مۇشەسىنە شاققاندا ەڭ تومەنگى كۇنكورىس دەڭگەيىنەن اسپاۋعا ءتيىس. وتباسى بانكى سۋبسيديا الۋشىلاردىڭ سايكەستىگىنە مونيتورينگ جۇرگىزىپ, اي سايىن تولەم ءتارتىبىن قاداعالايدى. ال جەرگىلىكتى اكىمدىكتەر كەمىندە توقسانىنا ءبىر رەت جالعا بەرىلەتىن تۇرعىن ءۇيدى تەكسەرىپ وتىرادى.
«بۇل ورايدا جاقىن تۋىستارىنان, بۇرىن نەكەدە تۇرعان جۇبايلارىنان جانە ەرلى-زايىپتىلاردىڭ تۋىستارىنان تۇرعىن ءۇيدى جالعا الۋعا, سونداي-اق اتالعان باسپانانى قايتا جالداۋعا وتكىزۋگە تىيىم سالىنادى», دەپ ەسكەرتەدى ۆەدومستۆو وكىلدەرى.
