مينيستر كۋرستاسى ميرۋس قازاقستاننىڭ IT-سالاسىن دامىتۋعا ۇلكەن ۇلەس قوسقانىن جانە دىنگە بەرىك ەكەنىن جازدى.
«سوڭعى ءۇمىت وتى ءسوندى. سەنگىم كەلمەيدى…سوڭىنا دەيىن ۇمىتتەنىپ ەدىك. الايدا ميرۋس باۋىرىمىزدان ايىرىلىپ قالدىق. ميرۋس ەكەۋىمىز كۋرستاس بولدىق. ول وتە كرەاتيۆتى ەدى, اۋقىمدى دۇنيەلەر جاساعىسى كەلەتىن, تارتىمدىلىعىنىڭ ارقاسىندا ادامداردى ۇيىمداستىرا الاتىن. دىنگە بەرىك ادام ەدى. ماعجان استانا حابتى قۇرۋ بويىنشا العاشقى قادامدارىن باستاعاندا ول كوپ كومەك ەتتى, تەگىن, ەشقانداي كەلىسىمسىز. قولىنان كەلگەنىن ىستەپ, قازاقستاننىڭ IT-سالاسىن دامىتۋعا ۇلەسى مەن كومەگىن قوستى. قازاقستاندا ونىڭ بىرنەشە بيزنەس باستامالارى بولعان, 2020 جىلى مەملەكەتتىڭ قاتىسۋىمەن ءبىر-ەكى جوبانى ىسكە اسىرعىسى كەلدى. بىراق مەملەكەت باسشىسى مەنى مينيستر ەتىپ تاعايىنداعان كەزدە ول جوبالاردان ءوز ەركىمەن باس تارتتى. ارامىزدا تۇسىنىسپەۋشىلىك تۋدىراتىن جاعدايلاردى بولدىرماۋ ءۇشىن مەن يدەيالارىمدى شەتەلدە جۇزەگە اسىرامىن دەگەن ەدى», دەپ جازدى باعدات مۋسين.
باعدات ءمۋسيننىڭ جازۋىنشا, ميربولات قۇرماشەۆ جيھانكەز بولعان, ءبىراز جەردى ارالاعان. بىراق تۇراقتاپ قالۋ ءۇشىن تۇركيانى تاڭداپ, سوڭعى ەكى جىل نەگىزىنەن سول جاقتا تۇرىپ جاتقان.
«پرەزيدەنتتىڭ انكاراعا رەسمي ساپارىنىڭ الدىنداعى قازاقستاندىق IT-ماماندارىنىڭ سول جاققا بارعانىن ءبارىڭىز بىلەتىن شىعارسىزدار. ءبىز سول كەزدە ولاردى ىستانبۇلدىڭ بىرنەشە ءىرى IT-كومپانياسىنا اپارعان ەدىك. ميرۋس وسى ءىس-شارانىڭ نەگىزگى ۇيىمداستىرۋشىسى بولدى. ءبىز وعان استانا حابتىڭ وكىلى بولۋدى ۇسىندىق, ويتكەنى ەكى مەملەكەتتىڭ حابتارى مەن ماماندارىن جاقىنداستىراتىن ادامنىڭ بولۋى ماڭىزدى ەدى. ستۋدەنتتىك كەزدەن دە ءبىراز جاقسى ەستەلىكتەر بار, جاقىن ارالاسقان جولداستارى ولاردى ايتا جاتار دەپ ويلايمىن. يماندى بولسىن! جانىڭ ءجانناتتان ورىن تاپسىن باۋىرىم», دەپ جازباسىن اياقتادى.
10 اقپانعا قاراعان ءتۇنى انتاكيادا ءۇيىندى استىنان ميربولات قۇرماشەۆتىڭ دەنەسى تابىلدى. ايتا كەتەيىك, ميربولات قۇرماشەۆ Astana Hub تەحنوپاركىنىڭ حالىقارالىق اگەنتى بولعان.
