ءيا, ولاي دەيتىن سەبەبىمىز ەلورداداعى ت.ايبەرگەنوۆ اتىنداعى №16 مەكتەپتىڭ 5-سىنىپ وقۋشىلارى «مەنىڭ اتا-انامنىڭ ماماندىعى» اتتى باعدارلاما اياسىندا قالالىق ارحيۆپەن تانىستى. جاس وقىرماندارعا ءارحيۆتىڭ ىشكى جۇمىستارى كورسەتىلىپ, تاريحي مۇرامىزدىڭ قۇندىلىعى باياندالدى.
ءىس-شارا بارىسىندا وقۋشىلارعا قۇجاتتاردىڭ قانشالىقتى ماڭىزدى ەكەنى ءتۇسىندىرىلدى. ءارحيۆتى قىزىعا تاماشالاعان ولار سۇراقتار قويىپ, قىزىق اقپاراتتارعا قانىقتى. فوتوسۋرەتتەر ارقىلى ەلوردانىڭ ەسكى كەلبەتىن كورگەن بالالار تاڭعالىسىن جاسىرمادى. ءارحيۆشى اقشولپان الىمباەۆا دەرەكتەردىڭ ساقتالۋ جۇيەسىن ايتىپ بەردى.
ودان كەيىن وقۋشىلار قۇجاتتاردى قايتا قالپىنا كەلتىرۋ ءۇشىن قانداي جاعدايلار جاسالاتىنىن كوزبەن كوردى. قۇجاتتاردى قايتا قالپىنا كەلتىرۋ قىزمەتى باسشىسىنىڭ ورىنباسارى ايگۇل ناعاشىبەكقىزىنان قىسقاشا ءدارىس تە الدى.
كەزدەسۋ سوڭىندا ارحيۆ جۇمىسى قىزمەتىنىڭ باسشىسى ارداق مۇقاشقىزى وقۋشىلارعا ىزگى تىلەگىن ءبىلدىرىپ, مەكەمەنىڭ اتىنان «ەلوردا – تاۋەلسىزدىك سيمۆولى» كىتابى مەن «Arhiv habarşysy» جۋرنالىن سىيعا تارتتى.
