وقىس وقيعاعا تاپ بولعان پاتسيەنت اۋرۋحاناعا شۇعىل تۇردە 7 قاڭتاردا تۇسكەن. جاس جىگىتتىڭ وڭ قولى ءىس جۇزىندە جوعارعى يىق دەڭگەيىندە ءبولىنىپ قالعان.
سودان دارىگەرلەر دەرەۋ ىسكە كىرىسىپ, وپەراتسيانى ەكى بريگادا 2 كەزەڭدە جۇرگىزدى. ءبىرىنشى كەزەڭدە انگيوحيرۋرگتەر قان اعىمىن قالپىنا كەلتىرۋ ءۇشىن تامىرلاردى تىككەن. ەكىنشى كەزەڭدە تراۆماتولوگتەر بۇلشىقەتتەردى, نەرۆتەردى, سىڭىرلەر مەن سۇيەكتەردى تىگىپ جالعاعان.
«وپەراتسيا شامامەن بەس ساعاتقا سوزىلدى. ءبىز ارقاشان بارلىق اعزانى مۇمكىندىگىنشە ساقتاپ قالۋعا تىرىسامىز. وپەراتسيا كەزىندە تامىر-نەرۆ بايلامىنا تولىق رەۆيزيا جاساۋ كەرەك بولدى. قولى تولىق ج ۇلىنىپ كەتكەندىكتەن بۇلشىقەتتەرى تۇگەل تىگىلدى. باستاپقىدا قولدى ساقتاپ قالۋ جانە ونىڭ فۋنكتسياسىن قالپىنا كەلتىرۋ مۇمكىندىگى از بولدى. ءبىز ونىڭ ءساتتى اياقتالعانىنا وتە قۋانىشتىمىز», دەدى دارىگەر-انگيوحيرۋرگ داستان سابىر ۇلى.
قازىر پاتسيەنت وڭالتۋ كۋرسىنان ءوتىپ جاتىر. دارىگەرلەر وڭ قولدىڭ جۇمىسىن قالپىنا كەلتىرۋدى بەلسەندى قاداعالاپ وتىر. كونسۋلتاتسيالار جانە ءارتۇرلى ادىستەردى قولدانۋ بويىنشا ۇسىنىمدار بەرەدى.
ء«بىز وپەراتسيانى وڭالتۋ الدەقايدا جىلدام بولاتىنداي ەتىپ جاساي الدىق. قولى ءتاۋىر بولىپ كەتتى, قازىرگى ۋاقىتتا جىگىتتى ەشتەڭە مازالامايدى», دەدى تراۆماتولوگ دارىگەر ءالىمجان دۇيسەنباەۆ.
