استانادا ۇلتتىق پىكىرسايىس ءتۋرنيرى وتەدى

بۇعان دەيىن ۇلتتىق پىكىرسايىس ءتۋرنيرىنىڭ اۋداندىق، قالالىق، وبلىستىق كەزەڭدەرى ءوتتى. وعان قازاق، ورىس جانە اعىلشىن ليگالارىنان 43 مىڭ پىكىرسايىسشىسى قاتىسقان. فينالعا استانا، الماتى جانە شىمكەنت قالالارىنان 120 سپيكەر جولداما الدى. ولار ءبىلىم بەرۋ ۇيىمدارىنىڭ 9-11 (12) سىنىپ وقۋشىلارى.

«باعدارلاما بويىنشا «بىرلىك» تانىسۋ كەشى، ىنتىماقتاستىرۋعا ارنالعان ترەنينگ، «Quiz، Please» ويىن-ساۋىق شاراسى، تۋرنير قاتىسۋشىلارىنىڭ اسەرى تۋرالى بليتس-سۇحبات، ەكسكۋرسيا ۇيىمداستىرىلادى. جەڭىمپازدار ءى، ءىى، ءىىى دارەجەلى ديپلوم، سىيلىقتارمەن، ۇزدىك سپيكەرلەر – ديپلومدارمەن، كوماندا جاتتىقتىرۋشىلارى – العىس حاتتارمەن ماراپاتتالادى»، دەدى وقۋ-اعارتۋ مينيسترلىگى رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى رايسا شەر.

ۇلتتىق پىكىرسايىس ءتۋرنيرىنىڭ قورىتىندى كەزەڭى ءال-فارابي اتىنداعى وقۋشىلار سارايىندا بولادى. سايىستىڭ بارلىق كەزەڭى امەريكالىق پارلامەنتتىك فورمات (Aپف) بويىنشا وتكىزىلەدى.

ايتا كەتەيىك، قازىرگى ۋاقىتتا رەسپۋبليكا بويىنشا 6726 پىكىرسايىس كلۋبى جۇمىس ىستەيدى. وندا 120 مىڭنان استام وقۋشى قۇقىقتىق مادەنيەتتى، ازاماتتىق بەلسەندىلىكتى، جاۋاپكەرشىلىكتى، شىعارماشىلىق جانە سىني ويلاۋدى، كوماندادا جۇمىس ىستەۋدى ۇيرەنەدى.