پاۆلوداردا تۇرمەگە ەسىرتكى كىرگىزبەك بولعان ايەل ۇستالدى

ول باس بوستاندىعىنان ايىرۋ ورنىندا وتىرعان جۇبايىنا سينتەتيكالىق زاتتارى بار قوراپشالاردى بەرۋگە تىرىسقان.

– جەدەل-ىزدەستىرۋ ءىس-شارالارى بارىسىندا پوليتسەيلەر ايەلدىڭ سىبايلاسىمەن بىرگە وبلىس ورتالىعىنىڭ اۋماعىندا سينتەتيكالىق ەسىرتكى ورامالارىن دايىنداعانىن انىقتادى. كۇدىكتىلەر ەسىرتكى زاتتارىن زاڭسىز ساتقان ينتەرنەت-دۇكەندە جۇمىس ىستەگەن، – دەدى پاۆلودار وبلىسى پد باستىعىنىڭ ورىنباسارى بولات نۇرسەيىتوۆ.

پوليتسەيلەر ايەلدىڭ 35 جاستاعى سىبايلاسىن دا قولعا ءتۇسىردى. الدىن الا مالىمەتتەر بويىنشا، ايەل كۋرەر بولعان جانە ەسىرتكىنىڭ ۇلكەن پارتيالارىن كىشىگىرىم پارتيالارعا ءبولىپ، جاسىرىن ورىندارعا قويىپ كەتىپ وتىرعان.

ءتىنتۋ ءىس-شارالارىن جۇرگىزۋ بارىسىندا، جالدامالى پاتەردە جەدەل قىزمەتكەرلەر 25 جيىنتىقتى تاۋىپ، تاركىلەدى. ساراپتاما قورىتىندىسى بويىنشا، جالپى سالماعى 50 گرامنان اساتىن سينتەتيكالىق ەسىرتكى، سونداي-اق ەلەكتروندى تارازىلار، وراۋ ماتەريالدارى، بانك كارتالارى جانە بىرنەشە ۇيالى تەلەفوندار بولعان.

اتالعان دەرەك قر قك-ءنىڭ 297-بابى 1-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسى تاعايىندالدى.