بۇعان دەيىن جەلىدە مەملەكەت باسشىسىنىڭ بەس قالاداعى رەزيدەنتسيالارى بالالاردىڭ يگىلىگىنە بەرىلەتىنى تۋرالى اقپارات پايدا بولدى, ال جەرگىلىكتى اكىمدىكتەر بۇل عيماراتتاردى بالاباقشا نە ساۋىقتىرۋ ورتالىقتارى نە بالالارعا ارنالعان باسقا دا ورتالىقتار رەتىندە پادالاناتىنىن وزدەرى شەشەدى.
«مەملەكەت باسشىسىنىڭ تاپسىرماسى ورىندالادى. قازىرگى ۋاقىتتا بەرۋ مەحانيزمى جانە عيماراتتى ماقساتتى پايدالانۋ ماسەلەسى پىسىقتالىپ جاتىر. شەشىمدى قوسىمشا حابارلايمىز», دەپ حابارلادى قوستاناي وبلىسىنىڭ اكىمدىگى.
ء«ارى قاراي ءبىز نىساندى بالالارعا قاجەت نارسەنىڭ بارىمەن جابدىقتايمىز. قىسقا مەرزىمدە تاپسىرمانى ورىندايمىز», دەدى وبلىس اكىمى اپپاراتى باسشىسىنىڭ ورىنباسارى ەرجان بايتاناەۆ.
ءالى ناقتى شەشىم شىقپاسا دا, جامبىل وبلىسى اكىمىنىڭ ورىنباسارى ەركىن ۇيسىمباەۆتىڭ سوزىنشە, پرەزيدەنت رەزيدەنتسياسى مۇگەدەك بالالارعا ارنالعان ساناتوري نەمەسە جازعى لاگەر رەتىندە پايدالانىلادى.
