ۇزدىكتەر قاتارىندا

تاياۋدا عىلىم جانە جوعارى ءبىلىم ءمينيسترى ساياسات نۇربەك 2022 جىلعى وسى بايقاۋدىڭ جە­ڭىم­­پازدارىن ماراپاتتادى. سولار­دىڭ ىشىندە عىلىم جولىندا جاڭاشا ىزدەنىسپەن ەڭبەك ەتىپ جۇرگەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ءبىر توپ عالىمى ۇزدىكتەر قاتا­رى­نان كورىندى.

بۇل بايقاۋعا ەلورداداعى بىرە­گەي وقۋ ورنىنان قاتىسىپ، توپ جارعان عا­لىمداردىڭ وسالى جوق. ءبارى دە عىلىمدا مويىندالىپ، ەڭبەكتەرىمەن ەلگە ءمالىم ازاماتتار. ەسىمدەرىن دە ايتايىق. سونىمەن «جاراتىلىستانۋ عى­لىم­دارى» باعىتى بويىنشا رىسقۇل ويناروۆ، ەلبەك وتەپوۆ، قاسىم ءجۇمادىلوۆ سەكىلدى عا­لىم­­داردىڭ مەرەيى ۇستەم بولسا، «تەحنيكا مەن تەحنولوگيادان» – الما داۋلەتبەكوۆا، «گۋما­نيتارلىق عىلىمدار جانە ونەر­دەن» – جانات ايمۇحامبەت، «قوعامدىق عىلىمداردان» – جانارىس رايىمبەكوۆ پەن عايني دىلىمبەتوۆانىڭ جۇلدىزى جاندى.

ايتا كەتەيىك، اتالعان بايقاۋدا باق سىناۋعا جەتى باعىت بويىنشا 468 ءوتىنىم تۇسكەن. وتىنىمدەر كون­كۋرسقا ارنايى ازىرلەنىپ، توعىز ولشەممەن ۇپايلاردى اۆتوماتتى تۇردە سانايتىن اقپاراتتىق جۇيە ارقىلى قابىلداندى. ناتي­جە­سىن­دە، وتاندىق عىلىمي-زەرتتەۋ ينستيتۋتتارى مەن جوعارى وقۋ ورىندارىنىڭ 50 عالىمى جەڭىسكە جەتتى. جەڭىمپازداردىڭ ءبارى قو­ماق­تى قارجىلاي سىيلىقپەن ماراپاتتالدى.