بىرقاتار وڭىردە اۋا رايىنا بايلانىستى ەسكەرتۋ جاريالاندى

تۇندە اتىراۋ وبلىسىنىڭ باتىسىندا، وڭتۇستىگىندە تومەن قارلى بوران كۇتىلەدى. وبلىستىڭ سولتۇستىگىندە تۇمان بولادى. وبلىستىڭ وڭتۇستىگىندە، شىعىسىندا جانە ورتالىعىندا ەكپىنى 15-20 م/س جەل سوعادى. تۇندە  اتىراۋ قالاسىندا تومەن قارلى بوران بولجانادى.

كۇندىز تۇركىستان وبلىسىنىڭ تاۋلى ايماقتارىندا جاڭبىر جاۋىپ، نايزاعاي وينايدى. وبلىستىڭ سولتۇستىگىندە تۇمان كۇتىلەدى. تاڭەرتەڭ جانە تۇستەن كەيىن وڭتۇستىك-باتىسقا اۋىساتىن جەلدىڭ ەكپىنى 15-20 م/س دەيىن جەتەدى، ال تاۋ اسۋلارىندا ەكپىنى 25 م/س بولادى.

اقتوبە وبلىسىنىڭ سولتۇستىگىندە تۇمان كۇتىلەدى. وبلىستىڭ ورتالىعىندا ەكپىنى 15-20 م/س دەيىن جەل سوعادى.

تۇندە جانە تاڭەرتەڭ جەتىسۋ وبلىسىنىڭ وڭتۇستىگىندە، ورتالىعىندا جانە تاۋلى اۋداندارىندا تۇمان كۇتىلەدى. كۇندىز الاكول كولدەرى اۋدانىندا ەكپىنى 15-20 م/س جەل سوعادى. تالدىقورعاندا تۇندە جانە تاڭەرتەڭ تۇمان كۇتىلەدى.

اقمولا وبلىسىنىڭ سولتۇستىگىندە، شىعىسىندا قارلى بوران بولادى دەپ بولجانىپ وتىر. وبلىستىڭ سولتۇستىگىندە، باتىسىندا، وڭتۇستىگىندە تۇمان كۇتىلەدى.

مامانداردىڭ ايتۋىنشا، ماڭعىستاۋ وبلىسىنىڭ باسىم بولىگىندە كوكتايعاق كۇتىلەدى. وبلىستىڭ سولتۇستىگىندە قارلى بوران بولادى. وبلىستىڭ سولتۇستىك-شىعىسىندا، سولتۇستىگىندە، وڭتۇستىك-باتىسىندا 15-20 م/س جەل سوعادى.

الماتى وبلىسىنىڭ وڭتۇستىگىندە جانە تاۋلى ايماقتارىندا تۇمان كۇتىلەدى.

شىعىس قازاقستان وبلىسىنىڭ وڭتۇستىگىندە، اباي وبلىسىنىڭ وڭتۇستىگىندە تۇمان بولجانادى.

باتىس قازاقستان وبلىسىنىڭ وڭتۇستىك-باتىسىندا، وڭتۇستىگىندە سولتۇستىك-شىعىستان جەل سوعىپ، ەكپىنى 15-20 م/س دەيىن جەتەدى.

تۇندە قىزىلوردا وبلىسىنىڭ ورتالىعىندا جەل سوعىپ، كۇندىز وبلىستىڭ باسىم بولىگىندە ەكپىنى 15-20 م/س دەيىن جەتەدى.