«قىس مەزگىلىنىڭ باستالۋىمەن پەشتەردىڭ دۇرىس جۇمىس ىستەمەۋى جانە ولاردى جاعۋ كەزىندە ءورت قاۋىپسىزدىگى ەرەجەلەرىنىڭ بۇزىلۋى سەبەبىنەن ورتتەر مەن ۋلى گازدان ۋلانۋ جاعدايلارى كوبەيەدى. مۇنداي جاعدايلار تۇندە كوپ بولادى. ۇيىقتاپ جاتقان ادام ءۇشىن ولىمگە اكەلەتىن ۋلى گازدىڭ وتە كوپ دوزاسىن الۋ ءۇشىن ءتۇتىندى بولمەدە بىرنەشە مينۋت بولۋ جەتكىلىكتى», دەلىنگەن اباي وبلىسى تجد ءباسپاسوز قىزمەتىنىڭ حابارلاماسىندا.
بەلگىلى بولعانداي, كەشە جەدەل جاردەم ستانتسياسىنىڭ كەزەكشى ديسپەتچەرىنەن جەدەل جاردەم بريگاداسىنىڭ كوزباگاروۆ, 23 مەكەنجايىنا بارعانى تۋرالى حابارلاما كەلىپ تۇسكەن. وندا 1 ەرەسەك جانە 1 ءجاسوسپىرىم ۋلى گازدان ۋلانعان. ۋلانۋ پەشتە تارتۋدىڭ بولماۋىنان ورىن العانى انىقتالدى.
