«2023 جىلدىڭ 9-10 اقپانى ارالىعىندا تۇركىستان قالاسىندا ورتالىق ازيا مەملەكەتتەرىنىڭ ءبىرىنشى پارلامەنتارالىق فورۋمى وتەدى. ءىس-شارا ورتالىق ازيا مەملەكەتتەرى باسشىلارىنىڭ وتكەن جىلدىڭ شىلدەسىندە شولپان-اتا قالاسىندا (قىرعىزستان) وتكەن ءتورتىنشى كونسۋلتاتيۆتىك كەزدەسۋىنىڭ قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋ شەڭبەرىندە وتكىزىلەدى», دەدى قر ءسىم رەسمي وكىلى ايبەك سمادياروۆ.
ول الداعى پارلامەنتارالىق فورۋمعا ورتالىق ازيا مەملەكەتتەرىنىڭ زاڭ شىعارۋشى ورگاندارىنىڭ سپيكەرلەرى مەن دەپۋتاتتارىنىڭ قاتىسۋى جوسپارلانىپ وتىرعانىن اتاپ ءوتتى.
«اتالعان پارلامەنتارالىق فورۋمدى وتكىزۋ ورتالىق ازيا ەلدەرىنىڭ زاڭنامالىق ورگاندارى جەلىسى بويىنشا مەملەكەتارالىق ىنتىماقتاستىقتى نىعايتۋ ءۇشىن قوسىمشا پلاتفورما قۇرۋ پروتسەسىن باستاۋعا مۇمكىندىك بەرەدى. فورۋم قورىتىندىسى بويىنشا تۇركىستان دەكلاراتسياسىن قابىلداۋ جوسپارلانىپ وتىر», دەدى ايبەك سمادياروۆ.
