بيىل ۇبت 5 رەت وتكىزىلەدى:
- اقىلى ۇبت – قاڭتار, ناۋرىز, تامىز ايلارىندا (3 رەت);
- مەملەكەتتىك گرانت بايقاۋىنا ارنالعان ۇبت – مامىردان باستاپ ماۋسىمعا دەيىن (2 رەت).
ۇبت-عا كىمدەر قاتىسا الادى؟
- بيىلعى مەكتەپ تۇلەكتەرى – قاڭتار, ناۋرىز, تامىزداعى جانە نەگىزگى ۇبت-عا;
- وتكەن جىلعى مەكتەپ تۇلەكتەرى – ناۋرىز, تامىزداعى جانە نەگىزگى ۇبت-عا;
- كوللەدج تۇلەكتەرى – ناۋرىز, تامىزداعى جانە نەگىزگى ۇبت-عا;
- قانداستار – ناۋرىز, تامىزداعى جانە نەگىزگى ۇبت-عا;
- شارتتى تۇردە وقىپ جاتقان ستۋدەنتتەر – قاڭتار, ناۋرىز, تامىز جانە نەگىزگى ۇبت-عا;
- باسقا ءبىلىم بەرۋ باعدارلامالارى توبىنا اۋىسۋعا نيەتتى شىعارماشىلىق ماماندىقتاردىڭ ستۋدەنتتەرى – قاڭتار, تامىز ايلارىنداعى ۇبت-عا;
- اقىلى نەگىزدە «پەداگوگيكالىق عىلىمدار» ءبىلىم بەرۋ سالاسىنا اۋىسۋعا نيەت بىلدىرگەن ستۋدەنتتەر – قاڭتار, تامىز ايلارىنداعى ۇبت-عا.
ۇبت فورماتى قانداي؟
- 5 ءپان (3 مىندەتتى + 2 بەيىندىك);
- بارلىق تاپسىرمالاردىڭ سانى – 120;
- ەڭ جوعارى بالل – 140;
- تەستىلەۋدىڭ جالپى ۋاقىتى - 4 ساعات (240 مينۋت).
قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارىنىڭ ماندەس باعىتتارىنا تۇسۋگە نيەت بىلدىرگەن كوللەدج تۇلەكتەرىنە ارنالعان ۇبت فورماتى:
- 2 ءپان (جالپى كاسىپتىك +ارنايى);
- تەستىلەۋدىڭ جالپى ۋاقىتى – 2 ساعات (120 مينۋت);
- تەست تاپسىرمالارىنىڭ سانى – 60;
- جوعارى بالل سانى – 70;
- شەكتى بالل – كەمىندە 25 بالل, «پەداگوگيكالىق عىلىمدار» ءبىلىم بەرۋ سالاسىنا - كەمىندە 35 بالل;
ءار ءپان بويىنشا شەكتى بالل – 5 بالل.
گۇلشاحرا سانسىزباي
