«مەملەكەتتىك بيۋدجەتكە تۇسەتىن جۇكتەمەنى ازايتۋ جانە رەسپۋبليكالىق ماڭىزى بار جولداردىڭ ساپاسىن جاقسارتۋ ماقساتىندا قوزعالىسى قارقىندى بىرقاتار تراسسانى اقىلى ەتۋ بويىنشا جوبا ىسكە اسىرىلىپ جاتقانى ايتىلدى. I كەزەڭ اياسىندا ۇزىندىعى 5,5 مىڭ كم جولداردا بەينەباقىلاۋ كامەرالارىمەن, ليدارلارمەن, بايلانىس انتەننالارىمەن جانە باسقا دا قۇرالدارمەن جابدىقتالعان 100-گە جۋىق باقىلاۋ اركاسى ورناتىلدى», دەپ حابارلادى ۇكىمەتتىڭ ءباسپاسوز قىزمەتى.
اتاپ ايتقاندا, ۇزىندىعى 1,5 مىڭ كم I ساناتتاعى ۋچاسكەلەر 2021 جىلعى قاراشادان باستاپ اقىلى بولدى. بۇل جول توسەمىنە كۇتىم جاساۋعا, قوزعالىس قاۋىپسىزدىگىن ارتتىرۋعا جانە ىلەسپە ينفراقۇرىلىمدى دامىتۋعا مۇمكىندىك بەرەدى.
كەڭەس قورىتىندىسى بويىنشا I كەزەڭ ۋچاسكەلەرىندە جۇك كولىكتەرىنىڭ ءجۇرىپ وتكەنى ءۇشىن اقى الۋ جۇيەسىن ىسكە قوسۋ بويىنشا جۇمىستى جالعاستىرۋ تۋرالى شەشىم قابىلداندى. بۇل ءبىرىنشى كەزەكتە قازاقستان اۋماعى ارقىلى وتەتىن ترانزيتتىك كولىككە قاتىستى بولادى. پرەمەر-مينيستر جول جەلىسىن جاڭعىرتۋ كەزىندە بەينەباقىلاۋدى كۇشەيتۋگە, جۇرگىزۋشىلەر مەن جولاۋشىلاردىڭ قاۋىپسىزدىگىن ارتتىرۋعا باسا نازار اۋدارۋ قاجەت ەكەنىن اتاپ ءوتتى.
