قازاقستان مەن وزبەكستان ساۋدا-ساتتىق كولەمىن ۇلعايتادى

تاراپتار ساۋدا-ەكونوميكالىق، كولىك-ترانزيتتىك جانە سۋ-ەنەرگەتيكالىق سالالارداعى ءوزارا ءىس-قيمىلدى، سونداي-اق ونەركاسىپتىك كووپەراتسيا مەن اۋىل شارۋاشىلىعىنداعى بىرلەسكەن قادامداردى ارتتىرۋ جونىندەگى جوسپارلاردى پىسىقتادى.

ءاليحان سمايىلوۆ رەسپۋبليكالار اراسىندا بارلىق سالالاردا قارقىندى دامىپ كەلە جاتقان بەرىك ۇيلەسىمدى قاتىناستار ورناعانىن اتاپ ءوتتى. وتكەن جىلدىڭ قورىتىندىسى بويىنشا ەكىجاقتى تاۋار اينالىمى شامامەن 30%-عا ءوسىپ، جوسپارلانعان مەجە $5 ملرد-قا جەتكەن.  

«بۇل ورتاق كۇش-جىگەرىمىزدىڭ ارقاسىندا مۇمكىن بولدى. ەندى جوعارى دەڭگەيدە قويىلعان مىندەتتەرگە سايكەس، ورتا مەرزىمدى كەزەڭدە ءوزارا ساۋدا-ساتتىق كولەمىن $10 ملرد-قا دەيىن ۇلعايتۋ قاجەت»، دەدى قر پرەمەر-ءمينيسترى.

ونىڭ ايتۋىنشا، بۇل تۇرعىدا بىلتىر قول قويىلعان جول كارتالارىن ۋاقىتىلى يمپلەمەنتاتسيالاۋ جانە قازاقستان-وزبەكستان ۇكىمەتارالىق كوميسسياسىنىڭ بەلسەندى جۇمىسى ماڭىزدى بولىپ تابىلادى.

«قازاقستان ۇكىمەتى ءوزارا ءىس-قيمىلدىڭ بارلىق باعىتتارى بويىنشا بەلسەندى ديالوگقا دايىن»، دەدى ءاليحان سمايىلوۆ. 

ءوز تاراپىنان ابدۋللا اريپوۆ ەلدەر اراسىندا ونەركاسىپتىك كووپەراتسيانىڭ، اسىرەسە اۆتوموبيل جاساۋدا وڭ تاجىريبە بارىن اتاپ ءوتتى. مۇناي-گاز، حيميا، ەنەرگەتيكا، مەتاللۋرگيا جانە باسقا دا سالالاردا پەرسپەكتيۆتى جوبالار پىسىقتالىپ جاتىر.

«اۋىل شارۋاشىلىعى مەن كولىك-لوگيستيكا سالاسىنداعى، اسىرەسە جاڭا كولىك دالىزدەرىن دامىتۋ بولىگىندەگى تىعىز ءوزارا ءىس-قيمىلدى ەرەكشە اتاپ وتكەن ءجون. سونداي-اق ءبىز ەلدەرىمىزدىڭ وڭىرلەرى اراسىنداعى تىكەلەي بايلانىستاردى جوعارى باعالايمىز، بۇل باۋىرلاس حالىقتاردىڭ اراسىنداعى ىنتىماقتاستىق الەۋەتىن تولىق ىسكە اسىرۋعا مۇمكىندىك بەرەدى»، دەدى ابدۋللا اريپوۆ.