تارازدا حالىقارالىق دەڭگەيدەگى اكۆاپارك ىسكە قوسىلادى

«KAZAKH INVEST» ۇك» اق ايماقتىق ديرەكتورى ارنولد گەرينگتىڭ ايتۋىنشا، بۇل ايماق زەربۇلاق كولىنەن بولەك، ورتالىق ازياداعى ەڭ ءىرى اكۆاپاركتى، اللەيانى، بەس جۇلدىزدى قوناق ءۇيدى، SPA-ورتالىقتى جانە دە قىزمەت كورسەتۋ سالاسىن قوسقاندا، ويىن-ساۋىق ورتالىعى ءتيپى بويىنشا بىرىڭعاي كەشەن رەتىندە جۇمىس ىستەيتىن وبەكتى بولماق.

كەشەن قۇرىلىسىنا كوپتەگەن قۇرىلىس تەحنيكاسى تارتىلىپ، 40 جاڭا جۇمىس ورنى اشىلدى. اكۆاپاركتى پايدالانۋ كەزىندە 20-دان استام جاڭا جۇمىس ورنىن اشۋ جوسپارلانىپ وتىر. جوبا ءبىرىنشى كەزەڭىنىڭ قۇنى 1،2 ملرد تەڭگەنى قۇرايدى. اتتراكتسيونداردىڭ 14 ءتۇرىن جانە تولقىن تەربەلىسى بار باسسەيننىڭ گەنەراتسيالاۋ جۇيەسىن («Polin»، تۇركيا)، اتتراكتسيوندارىنداعى سۋ اينالىمى جۇيەسى جابدىقتارىنىڭ 6 ءتۇرىن («Gemas»، تۇركيا)، سونداي-اق سىرعاناۋعا ارنالعان تولقىن تەربەلىسى بار باسسەيندەردى، بالالارعا ارنالعان جانە دە درەناجدى باسسەيندەردىڭ جۇمىسىن قامتاماسىز ەتۋگە ارنالعان («Gemas»، تۇركيا) جابدىقتاردى ورناتۋ جوسپارلانعان. سۋدى تازارتۋ جۇيەسىنە ەرەكشە نازار اۋدارىلادى. ساتىپ الىناتىن اتتراكتسيوندار حالىقارالىق ستاندارتتارعا يە جانە قاجەتتى تالاپتارعا سايكەس كەلەدى.

بۇل كەشەندى ىسكە اسىرۋ قالانىڭ جانە جالپى وبلىستىڭ ەكونوميكالىق جانە تۋريستىك الەۋەتىن جاقسارتادى، سونىمەن قاتار تاراز قالاسىنىڭ تارتىمدى ءيميدجىن قالىپتاستىرۋعا سەپتىگىن تيگىزەدى دەپ كۇتىلەدى.