«بۇل كورسەتكىش ەاەو مۇشە مەملەكەتتەرىنىڭ كورسەتكىشتەرىنە اسەر ەتەدى. ازىق-ت ۇلىك باعاسى كەيىنگى ءبىر جىلدا ءبىزدىڭ ەلدەردە ورتا ەسەپپەن 13 پايىزعا ءوستى», دەدى ءا.سمايىلوۆ.
باعانىڭ ءوسۋىن تەجەۋ, ىشكى نارىقتىڭ قاۋىپسىزدىگىن ارتتىرۋ جانە حالىققا ازىق-ت ۇلىك ونىمدەرىنىڭ قولجەتىمدىلىگىن ارتتىرۋ ماقساتىندا ۇكىمەت باسشىسى بىرقاتار شارالاردى ۇسىندى. سونداي-اق ەاەو ەلدەرىن ازىق-ت ۇلىك ونىمدەرىن ءوندىرۋ بويىنشا بىرلەسكەن جوبالاردى قۇرۋعا جانە قارجىلاندىرۋعا, جىلىجايلاردى, مال بورداقىلاۋ الاڭدارىن, ساۋدا جانە ساقتاۋ ينفراقۇرىلىمىن دامىتۋعا باسا نازار اۋدارۋعا شاقىردى.
«تاراپتار قولداناتىن سانيتارلىق-فيتوسانيتارلىق, ۆەتەرينارلىق, تەحنيكالىق شارالار ءوزارا ساۋدادا جاساندى كەدەرگىلەر تۋدىرماۋى كەرەك. ءبىزدىڭ جۇمىسىمىزدىڭ باستى مىندەتى – ءبىزدىڭ ەلدەردە وندىرىلەتىن ونىمدەردىڭ ءوزارا ساۋداسىن كەڭەيتۋ ەكەنىن ەستە ۇستاعان ءجون», دەپ اتاپ ءوتتى ءاليحان سمايىلوۆ.
