ارميان سەگمەنتىندە «ەاەو-داعى جۇمىس» قوسىمشاسى ىسكە قوسىلدى

وسىعان دەيىن مۇنداي جوبا ەۋرازيالىق دامۋ بانكىنىڭ (ەادب) تسيفرلىق باستامالار قورىنىڭ جوباسىنا ايتىلعان. بۇل تۋرالى ەۋرازيالىق دامۋ بانكى باسقارما توراعاسىنىڭ ورىنباسارى تيگران ساركيسيان ايتىپ بەردى.

«ەاەو-داعى جۇمىسپەن قامتۋ» قوسىمشاسى ەاەو جانە تمد ەلدەرىنىڭ ازاماتتارىنا رەسەي مەن ارمەنيادا جۇمىسقا ورنالاسۋ بويىنشا مەملەكەتتىك جانە كوممەرتسيالىق قىزمەتتەردى الۋعا مۇمكىندىك بەرەدى.

«بۇل رەسەي فەدەراتسياسى پرەمەر-ءمينيسترىنىڭ باستاماسىمەن ەۋرازيالىق دامۋ بانكىنىڭ تسيفرلىق باستامالار قورى ازىرلەگەن تسيفرلىق قوسىمشا. ول ەڭبەك ميگرانتتارىنىڭ ءومىرىن جەڭىلدەتۋ ءۇشىن تسيفرلىق فورماتتا ەڭبەك ميگرانتتارىنا قىزمەت كورسەتۋگە باعىتتالعان. قازىر ءبىز بۇل جوبانى بۇكىل ەۋرازيالىق وداققا تاراتىپ جاتىرمىز، سوندا بارلىق ەڭبەك ميگرانتتارى ەۋرازيا كەڭىستىگىندە وزدەرىن جايلى سەزىنەدى، ويتكەنى ءبىز ەۋرازيالىق وداقتىڭ ورتاق ەڭبەك نارىعىن قالىپتاستىرىپ جاتىرمىز»، دەدى تيگران ساركيسيان.

تيگران ساركيسيان رەسەي فەدەراتسياسى پرەمەر-ءمينيسترىنىڭ بۇل جۇمىسقا قوسىلۋ تۋرالى ۇندەۋلەرىنە ارمەنيا ءبىرىنشى بولىپ جاۋاپ بەرگەنىن دە ەسكە سالىپ ءوتتى.

ەۋرازيالىق دامۋ بانكى باسقارما توراعاسىنىڭ ورىنباسارىنىڭ ايتۋىنشا، الداعى ۋاقىتتا جاڭا قىزمەتتەردى ەنگىزۋ جوسپارلانىپ وتىر.

«ەڭبەك ميگرانتتارى سۇرانىسقا يە بارلىق قىزمەتتەردى تسيفرلاندىرامىز جانە وسى قىزمەتتەردى كورسەتەمىز. بۇل ەڭبەك ميگرانتتارىنىڭ وتىنىشپەن قالاي جۇمىس ىستەيتىنىنە، قانداي وتىنىشتەر بەرەتىنىنە بايلانىستى. جاڭا سۇرانىستار بولسا، ءبىز ولارعا تولىق جاۋاپ بەرەمىز»، دەدى تيگران ساركيسيان.

ول تسيفرلاندىرۋدى قاجەت ەتەتىن مەملەكەتتىك قىزمەتتەر بار ەكەنىن، بۇل قارجىلاندىرۋدى ءبولۋ قاجەتتىگىن ءتۇسىندىردى.

«بۇل فورۋمدا ءبىز العاش رەت قوسىمشانىڭ ىسكە قوسىلعانىن جاريا تۇردە جاريالاپ وتىرمىز، ءبىز قازىر قوسىمشانى ىسكە قوسىپ جاتىرمىز دەپ ايتا الامىز. بۇگىنگى كۇنى قوسىمشانى 5 مىڭعا جۋىق ادام جۇكتەپ العان. بىراق الدىڭعى «COVID-سىز ساياحات» قوسىمشاسىن 5 ميلليون قولدانۋشى جۇكتەپ العان. جۇكتەپ الۋلار ءالى دە كوبەيەدى دەپ ەسەپتەيمىز، ەۋرازيالىق وداق ەلدەرىنىڭ ەڭبەك نارىعى وتە ۇلكەن جانە پايدالانۋشىلار سانى بىرتە-بىرتە وسەدى دەگەن ويدامىن»، دەپ تۇيىندەدى تيگران ساركيسيان.