جەرگىلىكتى پوليتسيا وكىلدەرىنىڭ حابارلاۋىنشا, وقيعا كوحات اۋدانىنداعى كوحات تۋننەلىنىڭ جانىندا ورىن الدى. جولاۋشىلار اۆتوبۋسى قارسى باعىتتا كەلە جاتقان جۇك كولىگىمەن سوقتىعىسقان.
قۇتقارۋشىلار زارداپ شەككەن ادامدار مەن قايتىس بولعانداردىڭ دەنەسىن شىعارۋ ءۇشىن اۆتوبۋستى كەسۋگە ءماجبۇر بولدى.
پوليتسەيلەردىڭ مالىمەتىنشە, اپات جۇك كولىگىنىڭ بەلگىلەنگەن جىلدامدىقتان اسىپ كەتۋىنەن بولعان.
جولاۋشىلار اۆتوبۋسى سولتۇستىك-باتىس لاككي مارۆات اۋدانىنان پروۆينتسيا ورتالىعى پەشاۆارعا باعىت العان.
قۇتقارۋشىلار مەن پوليتسەيلەر زارداپ شەككەندەردى جاقىن ماڭداعى اۋرۋحاناعا جەتكىزدى.
ايتا كەتەتىن جايت, پاكىستاندا جولداردىڭ ناشارلىعى, كولىككە ناشار تەحنيكالىق قىزمەت كورسەتۋ جانە كاسىپقوي ەمەس جۇرگىزۋ سالدارىنان اپاتتار ءجيى بولىپ تۇرادى.
