سەيسميكاعا ءتوزىمدى قۇرىلىس باعىتىندا بىرىڭعاي نورمالار ازىرلەنەدى

اتالعان ۇيىم وكىلدەرىنىڭ بۇل ينستيتۋتقا ايالداۋى تەگىن ەمەس. سەبەبى 2019 جىلى وعان تمد-عا مۇشە مەملەكەتتەردىڭ سەيسميكاعا ءتوزىمدى قۇرىلىس سالاسى جونىندەگى بازالىق ۇيىمى رەتىندە مارتەبەسى بەرىلگەن  ەدى. ونىڭ نەگىزگى قىزمەتىنە جوبالاۋ ۇيىمدارى مەن عىلىمي-زەرتتەۋ ينستيتۋتتارى اراسىندا سەيسميكاعا ءتوزىمدى قۇرىلىس سالاسىندا تاجىريبە الماسىپ، ءتيىمدى ىنتىماقتاستىقتى نىعايتۋعا قولعابىس ەتۋ، نورماتيۆتىك-تەحنيكالىق بازانى جەتىلدىرىپ، عىلىمي ءارى تاجىريبەلىك-تەوريالىق زەرتتەۋلەردى جۇرگىزۋ، سونداي-اق تمد ەلدەرىندەگى عيماراتتار مەن قۇرىلىستارعا تەربەلىستى ديناميكالىق (ناتۋرالىق) سىناقتى جۇرگىزۋ كىرەدى.

«قازقسعزي» اق-نىڭ باس ديرەكتورى بەگمان قۇلباەۆتىڭ ايتۋىنشا، قازىر بازالىق ۇيىمنىڭ قىزمەتى اياسىندا تمد-نىڭ مۇشەلىگىنە كىرەتىن بارلىق ەلگە ارنالىپ، سەيسميكاعا ءتوزىمدى قۇرىلىس سالاسى بويىنشا بىرىڭعاي نورمالاردى ازىرلەۋ قولعا الىندى. ماسەلەن، ءتيىستى ۇلتتىق نورماتيۆتىك اكتىلەرگە تالداۋ جۇرگىزىلىپ، كەلەسى كەزەكتە ماقۇلدانعان بىرىڭعاي نورمالار مەن ولاردىڭ ۇلتتىق قوسىمشا قۇجاتتارىن ازىرلەۋ مىندەتى تۇر. وسى بىرىڭعاي نورمالار تمد كەڭىستىگىندە سەيسميكاعا ءتوزىمدى قۇرىلىستىڭ دامۋىنا سەرپىن بەرىپ قانا قويماي اتالعان سالانى رەتتەيتىن ۇلتتىق زاڭنامالارداعى ولقىلىقتىڭ ورنىن تولتىرۋ ءتيىس.

«بۇعان قوسا وسى امال ارقىلى ءبىز جاس عالىمداردىڭ اراسىندا سەيسميكاعا ءتوزىمدى قۇرىلىس عىلىمىن ناسيحاتتاۋ جونىندەگى ماسەلەنى شەشىپ كەلەمىز. قازىر ۋنيۆەرسيتەتتەرمەن بەلسەندى بايلانىس ورناتىلىپ، دارىندى تۇلەكتەر مەن اسپيرانتتاردىڭ دامۋىنا جان-جاقتى مۇمكىندىكتەر ۇسىنىلىپ وتىر. بىلىكتى ءارى قاجەتتى داعدىعا يە ماماندارمەن كاسىبي قىزمەتكەرلەردىڭ پۋلىن ۇزدىكسىز جاساقتاۋ – عىلىمعا يكەمدەلگەن جانە جوعارى تەحنولوگيالى سەيسميكاعا ءتوزىمدى قۇرىلىس سالاسىن ودان ءارى دامىتۋدىڭ كەپىلى»، دەدى ب.قۇلباەۆ.