«DIGITAL ALMATY» 2023 حالىقارالىق تسيفرلى فورۋمدا قازاقستان پرەمەر-ءمينيسترى ءاليحان سمايىلوۆ ەاەو ەلدەرىندە راديوجيىلىك سپەكترىن سينحرونداۋدى ۇسىندى، دەپ حابارلايدى Egemen.kz.
«بايلانىستىڭ قولجەتىمدىلىگى مەن ساپاسىن ارتتىرۋ ەرەكشە ماڭىزعا يە. بۇگىندە قازاقستاندا 250-دەن استام تۇرعىنى بار ەلدى مەكەندەر كەڭ جولاقتى ينتەرنەتپەن قامتىلعان. قالعان بولىگىندە راديورەلەيلىك جەلىلەر مەن تومەن وربيتالىق سپۋتنيكتىك جۇيەلەردى قولدانامىز. ءبىزدىڭ ەلدەرىمىزدىڭ راديوجيىلىك سپەكترىن سينحرونداۋ قاجەت دەپ سانايمىن»، دەدى ءاليحان سمايىلوۆ.
سونداي-اق سمايىلوۆ قازاقستاننىڭ ەاەو-داعى ارىپتەستەرىمەن تسيفرلىق ينفراقۇرىلىمدى دامىتۋعا ينۆەستيتسيا تارتۋ بويىنشا جۇمىس ىستەۋگە دايىن ەكەنىن قوستى.
«بۇل ايماقتاعى بارلىق ەلدەر ءۇشىن جاڭا مۇمكىندىكتەر اشادى. ناتيجەسىندە ءبىزدىڭ ەلدەر حالىقارالىق دالىزدەرمەن جانە ترانسشەكارالىق اعىندارمەن جوعارى جىلدامدىقتى دەرەكتەردى بەرۋ ارنالارىن قۇرا الادى»، دەپ قوستى پرەمەر-مينيستر.
ايتا كەتسەك، الماتىدا ەۋرازيالىق ۇكىمەتارالىق كەڭەستىڭ وتىرىسى جانە Digital Almaty-2023 «جاڭا شىندىقتاعى تسيفرلىق سەرىكتەستىك» جىل سايىنعى حالىقارالىق تسيفرلاندىرۋ فورۋمى ءوتىپ جاتىر.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
