ەاەو ەلدەرىنىڭ پرەمەر–مينيسترلەرى فورۋمعا كەلدى

فورۋمنىڭ ەكىنشى كۇنى قازاقستاننىڭ پرەمەر-ءمينيسترى ءاليحان سمايىلوۆتىڭ قۇتتىقتاۋ سوزىمەن باستالدى. قر پرەمەر-ءمينيسترى ءاليحان سمايىلوۆ كوممۋنيكاتسيالاردىڭ قولجەتىمدىلىگىن ارتتىرۋ ءۇشىن ەاەو ەلدەرىندەگى راديوجيىلىك سپەكترىن سينحرونداۋدى ۇسىندى.

«بايلانىستىڭ قولجەتىمدىلىگى مەن ساپاسىن ارتتىرۋ ەرەكشە ماڭىزعا يە. بۇگىندە قازاقستاندا 250-دەن استام تۇرعىنى بار ەلدى مەكەندەر كەڭ جولاقتى ينتەرنەتپەن قامتىلعان. قالعاندارىندا راديورەلەلىك جەلىلەر مەن تومەن وربيتالىق سپۋتنيكتى پايدالاناتىن بولامىز. ءبىزدىڭ ەلدەر ءۇشىن راديوجيىلىك سپەكترىن سينحرونداۋ قاجەت دەپ سانايمىن»، دەدى ءاليحان سمايىلوۆ جۇما كۇنى «تسيفرلىق الماتى» فورۋمىندا ەاەو ەلدەرى ۇكىمەت باسشىلارىنىڭ قاتىسۋىمەن وتكەن پلەنارلىق وتىرىستا.  

سونداي-اق سمايىلوۆ قازاقستاننىڭ ەاەو-داعى ارىپتەستەرىمەن تسيفرلىق ينفراقۇرىلىمدى دامىتۋعا ينۆەستيتسيا تارتۋ بويىنشا جۇمىس ىستەۋگە دايىن ەكەنىن قوستى.

«بۇل ايماقتاعى بارلىق ەلدەر ءۇشىن جاڭا مۇمكىندىكتەر اشادى. ناتيجەسىندە ءبىزدىڭ ەلدەر حالىقارالىق دالىزدەرمەن جانە ترانسشەكارالىق اعىندارمەن جوعارى جىلدامدىقتى دەرەكتەردى بەرۋ ارنالارىن قۇرا الادى»، دەپ قوستى پرەمەر-مينيستر.

ودان كەيىنگى ءسوز كەزەگى ارمەنيا پرەمەر-ءمينيسترى نيكول پاشينيانعا بەرىلدى.

قىرعىز رەسپۋبليكاسىنىڭ پرەمەر-ءمينيسترى اقىلبەك جاپاروۆ ۋاقىت وتكەن سايىن تسيفرلىق تاۋەلسىزدىك ماسەلەسى وزەكتى بولا تۇسەتىنىن، فين-تەح ءتىلىن مەڭگەرگەندەردىڭ ءباسى باسىم بولاتىنىن ايتتى.    

بۇگىنگى جيىن ەاەو مۇشە ەلدەردىڭ پرەمەر-مينيسترلەرى، كورنەكتى ساياسي جانە قوعام قايراتكەرلەرى، ءىرى تسيفرلىق كومپانيالاردىڭ باسشىلارى، IT-بيزنەس كوشباسشىلارى مەن تسيفرلىق سالا ساراپشىلارىنىڭ قاتىسۋىمەن ءوتىپ جاتىر. 

كەشە رەسەي پرەمەر-ءمينيسترى ەاەو كەڭىستىگىندەگى ىنتىماقتاستىقتىڭ وزەكتى ماسەلەلەرى تالقىلانىپ، بىرنەشە ەكىجاقتى كەزدەسۋلەر وتكىزگەن بولاتىن.

اتاپ ايتقاندا، ول قازاقستان پرەمەر-ءمينيسترى ءاليحان سمايىلوۆپەن كەزدەسىپ، ەكى ەل اراسىنداعى قارىم-قاتىناستى نىعايتۋ ماسكەۋ ءۇشىن ءابسوليۋتتى باسىمدىق ەكەنىن اتاپ ءوتتى.