وتاندىق فيلم وزا شاپتى

رەجيسسەر الديار بايرا­قى­موۆتىڭ بۇل كينوتۋىندىسىندا باستى ءرولدى سومداعان اس­قار ءىلياسوۆ «ۇزدىك ەر ادام ءرولى» سىيلىعىن جەڭىپ الدى. فەس­تيۆالگە 14 ەلدەن بار­لىعى 57 فيلم ۇسىنىلعان. ونەر دوداسىنا وتاندىق دەلەگا­تسيانى ديماش قۇدايبەرگەن باستاپ باردى.

بۇل اتالعان كينو­كارتينانىڭ العاشقى ماراپاتى ەمەس – وتكەن جىلى ول رەسەيدە وتكەن كينوفەستيۆالدەردە ەكى مارتە گران-ءپريدى يەلەندى.

فيلم قازاقستاندىق پار­­اليمپياداشىلاردىڭ ومىرىندەگى ناقتى وقيعالارعا نەگىز­دەلگەن. 2018 جىلى پحەنچ­حاندا جەڭىسكە جەتكەن قازاقستانداعى العاشقى قىس­قى پاراليمپيادا چەمپيو­نى الەكساندر كولياديننىڭ جە­ڭىسكە جەتۋ جولىن باياندايدى.

«مەن بۇگىن باقىتتىمىن. بۇل – مەنىڭ العاشقى سىي­لىعىم. ءبىز ۇلكەن ەڭبەك جاساپ، بۇكىل جانىمىزدى سالدىق. باستى ماقساتىمىز – پاراليمپياداشىلار تۋرالى ايتۋ، ولاردىڭ جەڭىستەرىنىڭ ارتىندا قانداي ەرىك-جىگەر، كۇش پەن ۇمتىلىس تۇرعانىن كورسەتۋ. بۇل تۋىندى مەملەكەتتىك قول­داۋدىڭ ارقاسىندا جارىققا شىققانىنا قۋانىشتىمىن»، دەدى اكتەر اسقار ءىلياسوۆ.

سونىمەن قاتار كينوفەستي­ۆال­دە وتاندىق « ۇلى دالا تا­ڭى»، «مۇقاعالي»، «ماما، مەن ءتى­رى­­مىن!» «ادەموكانى وقىتۋ» جانە «ىس­تىق­­­كول» فيلمدەرى كورسەتىلدى.