الماتى اكىمى ەربولات دوساەۆتىڭ بوستاندىق اۋدانىنىڭ تۇرعىندارىمەن كەزدەسۋىنىڭ بىرىندە قالا تۇرعىندارى اتالعان جەر تەلىمىن مەملەكەت مەنشىگىنە الىپ, ساياباقتى رەتكە كەلتىرۋ جۇمىستارىن جۇرگىزۋ قاجەتتىگى تۋرالى ماسەلە كوتەرگەن ەدى.
«2022 جىلدىڭ 5 قازانىندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن اكىمدىكتىڭ جەر ۋچاسكەسىن مەملەكەت مۇقتاجى ءۇشىن الىپ قويۋ تۋرالى تالاپ ارىزى قاناعاتتاندىرىلدى, وتەماقى سوماسى 2 338 817 000 تەڭگە مولشەرىندە انىقتالدى ( 2022 جىلعى 21 قىركۇيەكتەگى №5386 ساراپتاما قورىتىندىسى بويىنشا). 2022 جىلعى 22 جەلتوقساندا الماتى قالالىق سوتى ءبىرىنشى ساتىداعى سوتتىڭ شەشىمىن وزگەرىسسىز قالدىردى. 2023 جىلدىڭ 13 قاڭتارىندا وتەماقى سوماسى «Jusan Property» جشس-نە اۋىستىرىلدى», دەپ حابارلادى الماتى اكىمدىگىنىڭ ءباسپاسوز قىزمەتىنەن.
قازىرگى تاڭدا قالالىق ەكولوگيا جانە قورشاعان ورتانى قورعاۋ باسقارماسى «يۋجنىي» ساياباعىن اباتتاندىرۋ بويىنشا جوبالىق-سمەتالىق قۇجاتتامانى ازىرلەۋگە قاجەتتى قۇجاتتاردى دايىنداپ جاتىر.
