قىسقى سپورت • 02 اقپان، 2023

الماتىدا IV قىسقى جاستار سپورت ويىندارى باستالدى

الماتى قالاسىندا قازاقستان رەسپۋبليكاسىنىڭ IV قىسقى جاستار سپورت ويىندارى باستالدى، دەپ حابارلايدى Egemen.kz سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ

ايانا توعانبەك

ءتورت جىلدا ءبىر وتەتىن كەشەندى جارىستىڭ شىمىلدىعىن شاڭعىمەن تۇعىردان سەكىرۋشىلەر مەن كيورلينگشىلەر اشتى. «سۇڭقار» حالىقارالىق شاڭعى ترامپليندەرى كەشەنىندە 4 ءوڭىر – الماتى قالاسى، شقو، جەتىسۋ جانە الماتى وبلىسىنىڭ جاس سپورتشىلارى 5 جاس ساناتىندا شەبەرلىك بايقاسىپ جاتىر. بۇگىن ورەندەر ك-20، ك-40 جانە ك-60 تۇعىرىنان سەكىرىپ، ۇزدىكتەردى انىقتادى.

ك-20 (20 مەتر بيىكتەن)، ۇلدار:

يبراھيم ابايدۋلاەۆ (الماتى قالاسى);
يۆان ۋشاكوۆ (شقو);
سەميون ۆەرۆەيكين (الماتى قالاسى);

قىزدار:

ايشا مارات (الماتى قالاسى);
اننا گايكالوۆا (الماتى قالاسى);
پولينا شەۆتسوۆا (الماتى قالاسى);

ك-40 (40 مەتر تۇعىردان)، ۇلدار:

كەرەيحان قابدۋللا (الماتى قالاسى);
الەكساندر فيلونەنكو (الماتى قالاسى);
يارومير گيليوۆ (الماتى قالاسى);

قىزدار:

اگاتا ۆاسيلەۆا (الماتى قالاسى);
اناستاسيا گورۋنوۆا (الماتى قالاسى);
تايسيا شيشكينا (الماتى قالاسى);

ك-60 (60 مەتر بيىكتەن)، ۇلدار:

يليا ميزەرنىح (الماتى قالاسى);
دانيل كامەنكين (الماتى قالاسى);
ارتەم مەشكوۆ (الماتى قالاسى);

قىزدار:

سوفيا شيشكينا (الماتى قالاسى);
اليونا سۆەريدەنكو (شقو);
ۆيكتوريا رۋليوۆا (شقو);

ەندى جاسوسپىرىمدەر ك-90 تۇعىرىنداعى جەكەلەي جانە كوماندالىق سايىسپەن بۇل سپورت تۇرىندەگى جارىستى اياقتايدى.

ال كيورلينگ رەسپۋبليكالىق ماڭىزى بار 2 قالا مەن 8 وبلىستان كەلگەن 300 جاس سپورتشىنىڭ باسىن قوستى. ولار 10 كۇن بويى 2 توپقا ءبولىنىپ، جەكەلەي جانە كوماندالىق سايىستا سىنعا تۇسەدى. بۇگىن 1-تۋردىڭ ويىندارى ءوتتى.

ايتا كەتەيىك، بيىلعى كەشەندى جارىس كەزىندە 11 سپورت تۇرىنەن ۇزدىكتەر انىقتالماق. ولار: بياتلون، كەرلينگ، كونكيمەن جۇگىرۋ، شورت-ترەك، شاڭعى جارىستارى، مانەرلەپ سىرعاناۋ، فريستايل-موگۋل جانە فريستايل-اكروباتيكا، شايبالى حوككەي، شاڭعىمەن تۇعىردان سەكىرۋ.

بارلىق باسەكەدەن سوڭ ءار سپورت تۇرىنەن ەلىمىزدىڭ جاستار قۇراما كوماندالارى جاساقتالىپ، الداعى حالىقارالىق رەسمي جارىستارعا، ونىڭ ىشىندە 2024 جىلى وڭتۇستىك كورەيانىڭ كانۆوندو قالاسىندا وتەتىن قىسقى جاسوسپىرىمدەر وليمپياداسىنا باراتىن سپورتشىلاردى انىقتالادى. سونداي-اق 2026 جىلعى ميلانداعى (يتاليا) وليمپيا ويىندارىنا ساپالى دايىندىق جۇرگىزۋگە قاتىساتىن مىقتى سپورتشىلار ىرىكتەلەدى.

ەرەجەگە ەنگىزىلگەن سپورت تۇرلەرى بويىنشا جاستار ويىندارىنىڭ جارىستارى شايبالى حوككەي مەن كەرلينگتى قوسپاعاندا، قازاقستان چەمپيوناتى شەڭبەرىندە وتەدى.

ويىنداردىڭ سالتاناتتى اشىلۋى 23 اقپاندا، ساعات 14:00-دە پاۆلودار قالاسىندا، ال جابىلۋى 8 ءساۋىر، ساعات 14:00-دە استانا قالاسىندا بولادى.