سەناتور اقمارال ءالنازاروۆا ەلىمىزگە ساپاسىز دارىلىك زاتتاردىڭ كەلىپ جاتقانى تۋرالى پرەمەر-ءمينيستردىڭ اتىنا دەپۋتاتتىق ساۋال جولدادى، دەپ حابارلايدى Egemen.kz.
دەپۋتاتتىڭ ايتۋىنشا، وزبەكستانداعى ءدارى-دارمەكتەردى قولدانۋ سالدارىنان 19 بالانىڭ قايتىس بولۋىنا بايلانىستى قايعىلى جاعداي ەلىمىزگە اكەلىنەتىن ءدارى-دارمەكتەردىڭ قاۋپىن مۇقيات قاداعالاۋ قاجەتتىگىن دالەلدەپ وتىر. اقمارال ءالنازاروۆا قازاقستاندا تىركەلمەگەن ءدارى-دارمەكتەردى اكەلۋگە بىرنەشە رەت ءبىر رەتتىك رۇقسات بەرۋ وسىنداي قايعىلى جاعدايعا اكەلۋى مۇمكىن ەكەنىن اتاپ ءوتتى. قازىرگى ۋاقىتتا نارىقتا وتاندىق جانە شەتەلدىك وندىرۋشىلەردىڭ تىركەلگەن ونىمدەرى بولعان جاعدايدا دا ءبىر رەتتىك يمپورت كەڭىنەن قولدانىلىپ كەلەدى.
«مۇنداي تاجىريبە رەسمي تۇردە اكەلىنەتىن تىركەلگەن پرەپاراتتاردى جەتكىزۋشىلەردى دە ەلەۋلى قاتەرگە ۇشىراتىپ وتىر. بۇل جالپى وتاندىق فارماتسەۆتيكا سالاسىنىڭ ينۆەستيتسيالىق تارتىمدىلىعىنا نۇقسان كەلتىرەدى. مۇنداي قوس ستاندارتتار ادال وندىرۋشىلەردىڭ ساپالى پرەپاراتتارىن نارىقتان ىعىستىرىپ شىعارۋىنا اكەلىپ سوعادى»، دەدى اقمارال ءالنازاروۆا.
سەناتور سونىمەن قاتار قولدانىستاعى ءدارى-دارمەكتەر باعاسىن رەتتەۋ ءىسىنىڭ ناشارلىعى مەن سول جۇيەنىڭ كۇڭگىرتتىگى تۋرالى پروبلەمالاردى دا اتاپ ءوتتى. بارلىق ءدارى-دارمەكتەردىڭ بەلگىلەنگەن شەكتى باعاسى بولۋى كەرەك. الايدا قاجەتتى تىركەۋ قۇجاتتارىنىڭ بولماۋىنا بايلانىستى بىرجولعى پرەپاراتتارعا شەكتى باعالار بەلگىلەنبەي كەلەدى.
«حالىقتىڭ ساپالى، قاۋىپسىز جانە ءتيىمدى دارىلىك زاتتارعا قولجەتىمدىلىگىن جاقسارتۋ جانە ىشكى نارىقتى تولىق قامتاماسىز ەتۋ ماقساتىندا دارىلىك زاتتار اينالىمىن رەتتەۋ جۇيەسىنىڭ تاسىلدەرىن قايتا قاراۋ كەرەك. فارماتسەۆتيكالىق ءونىمنىڭ جاڭا تۇرلەرىنە جەدەل قول جەتكىزە الاتىن جانە دارىلىك زاتتاردىڭ باعاسىن رەتتەۋدىڭ اشىقتىعىن قامتاماسىز ەتەتىن تىركەۋ راسىمدەرىن وڭتايلاندىرۋ قاجەت. مەملەكەت ەلىمىزدە ۇدايى جەتىسپەيتىن نەمەسە تابىلمايتىن بىرقاتار پرەپاراتتىڭ ءوندىرىسىن جولعا قويۋ ءۇشىن ينۆەستيتسيا بەرىپ قولداۋ جاساۋدى، سونداي-اق وسىنداي پوزيتسيالاردى تىركەۋدى باقىلاۋ مەن شىعىندارىن ءوز موينىنا الۋى ءتيىس»، دەدى اقمارال ءالنازاروۆا.
گۇلشاحرا سانسىزباي
«جارايسىڭ، ماقتان تۇتامىز!». پرەزيدەنت شاۆكات راحمونوۆپەن اڭگىمەلەستى
سپورت • بۇگىن، 13:55
بۇۇ: ۋكراينادا 8 مىڭنان استام بەيبىت تۇرعىن قازا تاپتى
الەم • بۇگىن، 13:31
جارىلعىش قۇرىلعىلار تۋرالى جالعان حابارلاما جىبەرۋ اۋىر قىلمىس
وقيعا • بۇگىن، 13:05
ماۋلەن اشىمباەۆ ناۋرىز مەرەكەسىمەن قۇتتىقتادى
قوعام • بۇگىن، 12:19
پرەزيدەنت: ورازا ۇستايتىن جاماعاتتىڭ نيەتى قابىل بولسىن!
پرەزيدەنت • بۇگىن، 11:55
الدا اتقاراتىن جۇمىس كوپ - مەملەكەت باسشىسى
پرەزيدەنت • بۇگىن، 11:46
ۇقساس جاڭالىقتار
