شقو-دا سۋ تاسقىنى كەزەڭىنە دايىندىق باستالدى

«سۋ ايدىندارىندا كۇندەلىكتى مونيتورينگ جۇرگىزىلەدى. قازىرگى ۋاقىتتا جەرگىلىكتى اتقارۋشى ورگاندار 160 000 تەكشە مەتردەن استام قار شىعاردى. شىعىس قازاقستاندا سۋ تاسقىنى قاۋپى بار 71 ەلدى مەكەن بار، 15 ەلدى مەكەندە قاۋىپ تولىعىمەن جويىلىپ، 46-عا ازايتىلدى»، دەلىنگەن حابارلامادا.

شقو تج دەپارتامەنتىنىڭ داعدارىس ورتالىعىندا تاۋلىك بويى جۇمىس ىستەيتىن سۋ تاسقىنى كەزەڭىنەن ءوتۋ جاعدايىنا مونيتورينگ جۇرگىزۋ بويىنشا شتاب قۇرىلعان.

«سۋ تاسقىنى قاۋپى تونگەن كەزەڭدە وبلىستا جەدەل دەن قويۋ ءۇشىن جەكە قۇرامنىڭ 1719 ادامى، 224 موتوپومپاسى، قۇتقارۋشىلار مەن جەرگىلىكتى اتقارۋشى ورگانداردىڭ 83 ءجۇزۋ قۇرالى، سونداي-اق 750-دەن استام تەحنيكا توپتاستىرىلعان. 29 000 دانا قاپ، 1،9 مىڭ توننا ينەرتتى ماتەريال جانە 226 توننا ججم دايىندالدى. ىقتيمال تج جاعدايىندا ەۆاكۋاتسيالاناتىن حالىقتى ورنالاستىرۋ ءۇشىن قالالار مەن اۋدانداردىڭ اكىمدەرى جالپى سىيىمدىلىعى 6500 ادامنان اساتىن 68 ۋاقىتشا ورنالاستىرۋ پۋنكتىن دايىندادى»، دەلىنگەن حابارلامادا.

قۇتقارۋشىلار ۇيلەردى ارالاپ، سۋ باسۋ قاۋپى تونگەن حالىققا نۇسقاۋ بەردى.

گۇلشاحرا سانسىزباي