اگرارلىق ۋنيۆەرسيتەت ادىلەت جولىندا

ء«بىزدىڭ ماقساتىمىز – جاستاردى جەمقورلىققا توزبەۋگە شاقىرۋ، سىبايلاس جەمقورلىققا قارسى مادەنيەت دەڭگەيىن جوعارىلاتۋ، سول ارقىلى وقۋ ءۇردىسىنىڭ ساپاسىن ارتتىرۋعا ىقپال ەتۋ. مەملە­كەت باسشىسى قاسىم-جومارت توقاەۆ ء«بىزدىڭ ورتاق ماقساتىمىز – زاڭ مەن ءتارتىپ ۇستەمدىك قۇراتىن، ازاماتتاردىڭ قۇقى­عىنا لايىقتى قۇرمەت كورسەتىلەتىن ادىلەت­تى قازاقستاندى قۇرۋ» دەگەندى ۇنەمى ايتىپ كەلەدى. وسى ورايدا ۋنيۆەرسيتەت باسشىلىعى مەن ستۋدەنتتەر اراسىندا ارىپتەستىك سەنىمدى ارتتىرۋ ماقساتىندا وسىنداي اشىق اڭگىمە وتكىزىپ وتىرعانى ماڭىزدى. بۇگىنگىدەي ءوزارا سەنىمگە نەگىزدەلگەن شارالار سىبايلاس جەمقورلىققا قارسى قوزعالىستى نىعايتا تۇسەدى. الداعى ۋاقىتتا سىبايلاس جەمقورلىققا قارسى ۋنيۆەرسيتەت باعدارلاماسىن قابىلدايمىز»، دەدى اقىلبەك قاجىعۇل ۇلى.

سىبايلاس جەمقورلىق – ادىلەت­تى قوعام قاعيداتتارىنا مۇل­دەم كەرەعار ۇعىم. ەل ەرتەڭىنە قىز­مەت ەتەتىن بىلىكتى ماماندار دايار­لاۋدا ساپالى ءبىلىم بەرۋ، ستۋ­دەنت­تەر ءبىلىمىن ءادىل باعالاۋ وقى­تۋ­شى­لاردان دا، ءبىلىم الۋشىلاردان دا ۇلكەن جاۋاپكەرشىلىكتى تالاپ ەتەدى.

كەزدەسۋ بارىسىندا ستۋدەنتتەر ۋنيۆەرسيتەتكە كەلمەسە دە جوعا­رى بالل العىسى كەلەتىن­دەردىڭ بار ەكەنىن جانە گرانت ءبولۋ كەزىن­دە ادىلەتسىزدىكتەردىڭ، پارا الۋعا بەيىم جاعدايلاردىڭ كەزدەسەتىنىن اتاپ ءوتتى. سىبايلاس جەمقور­لىق فاكتىلەرى كوبىنەسە، ستۋدەنتتەر ساباققا قاتىسپاعان جاعدايدا، ارا­لىق باقىلاۋدى نەمەسە پان­دىك جۇمىستاردى، ەمتيحانداردى قايتا تاپسىرۋ، كۋرستىق جۇ­مىس­تار قورعاۋ ساتتەرىندە ءجيى كەزدە­سەتىن كورىنەدى.

رەكتورمەن كەزدەسۋدە ستۋدەنتتەر كەزىندە جەكەمەنشىككە ءوتىپ كەتكەن ۋنيۆەر­سيتەتتىڭ وقۋ عيماراتتارىن، ستۋدەنتتىك جاتاق­حانانى، ستاديوندى، جەر ۋچاس­كە­لەرىن مەملەكەتكە قايتارۋ ماسە­لەسىن كوتەردى.

ستۋدەنتتەردىڭ وي-پىكىرلەرى مەن ۇسى­نىستارىن تىڭداي كەلىپ، رەكتور اشىقتىق پەن ءوزارا سەنىم مەن بايلانىستاردى ودان ءارى نىعايتۋ ماقساتىندا ءتيىستى قۇرىلىم باسشىلارىنا تاپسىرما بەردى.

الماتى