56 مەكتەپ ليتسەنزياسىز جۇمىس ىستەگەن

ليتسەنزياسىز جۇمىس ىستەگەن 56 ءبىلىم وشاعىنىڭ 40-ى – مەملە­كەتتىك، 16-ى – جەكەمەنشىك مەكەمە. بۇل مەكتەپتەردىڭ ەڭ كوبى استانا جانە الماتى قالالارىندا، اتىراۋ، الماتى، باتىس قازاقستان، تۇركىستان، جەتىسۋ، ماڭعىستاۋ جانە جامبىل وبلىستارىندا ورنا­لاسقان.

بۇگىنگى تاڭدا 11 مەكتەپ ءبى­لىم بەرۋ قىزمەتىنە ليتسەنزيا الدى. ءۇش مەكتەپتىڭ ماتەريالى – سوتتىڭ قا­را­ۋىندا. 42 مەكتەپكە قاتىستى سوت ليتسەنزياسىز قىز­مەت كور­سەت­كە­نى ءۇشىن ايىپ­پۇل تا­عايىن­داۋ تۋرالى قاۋلى شى­عاردى.

«زاڭناماعا سايكەس، بارلىق مەك­تەپ ءبىلىم بەرۋ قىزمەتىن باس­تاماس بۇرىن رۇقسات الۋى كەرەك. مەك­­تەپكە ءبىلىم بەرۋمەن اينالىسۋ قۇقىعى ليتسەنزيا العان ساتتەن باس­تاپ قانا بە­رى­لە­دى. لي­­­­­تسەن­­زيانىڭ جوقتىعى مەك­تەپ­تىڭ جارامدىلىق تەك­سەرۋىنەن وتپە­­­­­گەنىن نەمەسە رۇق­­سات الۋ ءۇشىن قۇ­جات­تاردى تاپ­سىر­­­ما­عا­­نىن بىلدىرەدى. لي­­تسەن­زياسىز مەكتەپتەر ءبىلىم تۋرالى مەملە­كەت­تىك ۇلگىدەگى قۇجاتتاردى، ياعني نەگىزگى جانە جالپى ورتا ءبىلىم تۋرا­لى اتتەستاتتاردى بەرە المايدى. ليتسەنزياسىز جۇمىس ىستەيتىن مەكتەپتەرگە قاتىستى مينيستر­لىكتىڭ اۋماقتىق دەپارتا­مەنتتەرى اكىمشىلىك ءىس قوزعادى. بۇگىندە سوت شەشىمىمەن 42 مەكتەپكە ليتسەنزياسىز ءبىلىم بەرۋ قىزمەتىن جۇرگىزگەنى ءۇشىن ايىپپۇل سالىندى. ەگەر مەكتەپ زاڭدى تۇلعا رەتىندە مەم­لەكەتتىك تىركەلگەن ساتتەن باستاپ التى اي ىشىندە ليتسەنزيا الماسا، وندا ول سوت تارتى­بىمەن جۇمىسىن توقتاتادى»، دەدى وقۋ-اعارتۋ مي­نيس­­ترلىگى ءبىلىم سا­لا­سىندا ساپانى قامتاماسىز ەتۋ كوميتەتىنىڭ تورا­عاسى ەرنۇر داۋەنوۆ.

جالپى، مەكتەپتەر – جەر­گى­­لىك­تى ات­قارۋشى ورگاندار­دىڭ قۇ­­زى­رەتىندە. بۇل رەتتە مي­نيستر­­لىك وبلىستاردىڭ، رەسپۋب­ليكا­لىق ما­ڭى­زى بار قالالار­دىڭ اكىم­دىك­تە­رى­نە جانە ءبىلىم باسقار­ما­لارىنىڭ باسشىلارىنا مەكتەپ­تەر­دە­گى قۇقىق بۇزۋ­شى­لىق­تاردى جويۋ ءۇشىن شارالار قابىلداۋ تۋرالى رەسمي حات جولدادى.