قازاقستان اۋماعىنا اسا ءىرى كولەمدە سينتەتيكالىق ەسىرتكىنى كىرگىزۋدىڭ جانە ساتۋدىڭ تۇراقتى ارناسىن ۇيىمداستىرعان قىلمىستىق توپتىڭ جولى كەسىلدى، دەپ حابارلايدى Egemen.kz ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
«مەفەدرون جانە الفا-PVP ەسىرتكىلەرى الەۋمەتتىك جەلىلەر مەن مەسسەندجەرلەر ارقىلى ساۋدالانعان. ەسىرتكى جاسىرىن ورىنداردىڭ كوورديناتتارىن بەرۋ ارقىلى بەتپە بەت كەزدەسۋسىز الىنىپ وتىرعان»، دەلىنگەن ۆەدومستۆونىڭ ءباسپاسوز قىزمەتىندە.
جيناقتالعان بۇلتارتپاس ايعاقتاردىڭ ناتيجەسىندە شىمكەنت جانە قوناەۆ قالالارىندا ەسىرتكى سينديكاتىنىڭ ۇيىمداستىرۋشىسى مەن ءۇش كومەكشىسى ۇستالدى.
سونىمەن قاتار ءتىنتۋ بارىسىندا زاڭسىز اينالىمنان 103 كەلى سينتەتيكالىق ەسىرتكى الىندى.
ولىمگە اكەلەتىن «تاۋاردى» استانا، الماتى، قوناەۆ، كوكشەتاۋ، شىمكەنت، تاراز، قىزىلوردا جانە وسكەمەن قالالارىندا تاراتۋ كوزدەلگەن.
وسكەمەندە كاماز تىركەمەسى جاياۋ جۇرگىنشىنى قاعىپ كەتتى
ايماقتار • كەشە
براتيسلاۆادا قازاقتىڭ كيىز ءۇيى تىگىلدى
الەم • كەشە
ۇقساس جاڭالىقتار
