وندا مينيسترلىكتىڭ قۇزىرىنداعى سالالاردا جەمقورلىق فاكتىلەرىن بولدىرماۋدىڭ جولدارى پىسىقتالدى.
كەڭەس بارىسىندا سىبايلاس جەمقورلىق تاۋەكەلدەرىن جويۋعا بايلانىستى ءىس-شارالار جوسپارىن ىسكە اسىرۋ ماسەلەلەرى قاراستىرىلىپ, سونداي-اق قۇرىلىس سالاسى بويىنشا بۇل باعىتتاعى قارسى ءىس-قيمىلدىڭ كەشەندى جوسپارىنىڭ تارماقتارىن ورىنداۋ ماسەلەلەرى قاۋزالدى.
بۇل رەتتە جوعارىدا اتالعان ءىس-شارالار جوسپارىنداعى تارماقتاردىڭ ورىندالۋى تۋرالى اۆتوموبيل جولدارى كوميتەتىنىڭ توراعاسى ت.ابدۋللين, كولىك كوميتەتى توراعاسىنىڭ ورىنباسارى د.قوسپاباەۆ, سونداي-اق قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى ت.قاراعويشين ايتىپ بەردى.
كەزدەسۋدىڭ قورىتىندىسى بويىنشا يدم مەن سىبايلاس جەمقورلىققا قارسى ءىس-قيمىل اگەنتتىگى مينيسترلىككە قارايتىن سالالاردا جەمقورلىق ارەكەتتەرىن الدىن الۋ مەن زاڭ ۇستەمدىگىن قامتاماسىز ەتۋ ءۇشىن ءوزارا ءىس-قيمىلدى ورناتۋ جونىندە شەشىم قابىلدادى. بۇل ءوز كەزەگىندە وسى باعىتتاعى جۇمىستى ۋاقتىلى ءارى ساپالى ورىنداۋعا سەپتىگىن تيگىزبەك. بۇعان قوسا قاتىسۋشىلار سىبايلاس جەمقورلىق تاۋەكەلدەرىن جويۋعا باعىتتالعان مىندەتتەردى ىسكە اسىرۋدا تىعىز ىنتىماقتاستىقتى نىعايتۋعا نيەتتى ەكەندەرىن جەتكىزدى.
