سپورت • 31 قاڭتار، 2023

الماتىدا قويان-قولتىق ۇرىستان چەمپيونات ءوتتى

72 رەت كورسەتىلدى

قارۋلى كۇشتەردىڭ ارنايى وپەراتسيالار كۇشتەرى قولباسشىسىنىڭ كۋبوگى ءۇشىن 8 كوماندا قۇرامىندا 60-تان اسا اسكەري قىزمەتشى سىنعا ءتۇستى، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

بۇل جەكپە-جەك ءتۇرىنىڭ ءتۋرنيرى قورعانىس مينيسترلىگىنىڭ سپورت كوميتەتى – ورتالىق سپورت كلۋبىنىڭ بازاسىندا ارنايى وپەراتسيالار كۇشتەرى بولىمشەلەرىنىڭ جاۋىنگەرلىك دايارلىق جوسپارى شەڭبەرىندە ءوتتى.

– قارۋلى كۇشتەردىڭ ەليتالىق بولىمشەلەرىنىڭ وكىلدەرى ارميالىق قويان-قولتىق ۇرىس تاسىلدەرىن مەڭگەرۋگە مىندەتتى. ارنايى وپەراتسيالار كۇشتەرىنىڭ قولباسشىلىعى وسىدان ءبىر جىل بۇرىن قۇرىلعان. دەگەنمەن ءبىزدىڭ ءتۇرلى سايىستاردان جيناعان تاجىريبەمىز دە بار.  وسى تۋرنيردە سپورت شەبەرلەرى جانە سپورتتا باسقا دا جەتىستىكتەرى بار، الەم، ازيا جانە تمد چەمپيوندارى باعىن سىنادى، – دەدى ارنايى وپەراتسيالار كۇشتەرى قولباسشىسى باسقارماسىنىڭ اعا وفيتسەرى مايور نۇرداۋلەت ەرجىگىتوۆ.

چەمپيونات قورىتىندىسى بويىنشا ءبىرىنشى ورىندى 32356 اسكەري ءبولىمىنىڭ كومانداسى ولجالادى. ەكىنشى ورىن – 22750 اسكەري بولىمىنە، ءۇشىنشى ورىن – 66597 اسكەري بولىمىنە بۇيىردى. «ۇزدىك سپورتشى» ارنايى نوميناتسياسى 22750 اسكەري ءبولىمىنىڭ كەلىسىمشارت بويىنشا اسكەري قىزمەتشىسى 3-سىنىپ سەرجانتى ساكەن وڭعالبەكوۆكە، «ۇزدىك تورەشى» اتالىمى دەسانتتىق-شابۋىلداۋ اسكەرلەرىنىڭ وكىلى مايور مارات اعامباەۆقا بەرىلدى.

ۇقساس جاڭالىقتار