كەيبىر جاندار ومىرگە ەرەكشە قۇشتار بولادى. وندايلاردى تىرشىلىكتىڭ ەشبىر سىناعى جاسىتا المايدى. سەزىمگە بەرىلگىش كۇيرەك پەندەلەر بوس قيالمەن, ارەكەتى جوق ءارسىز ۇمىتپەن ۋاقىتىن وتكىزىپ جاتقاندا, ول ادامدار تىرشىلىگىنە دە, قۇلشىلىعىنا دا پايدالى ىستەرمەن شۇعىلدانىپ, ەرەكشەلەنە بىلەدى. سول ەرەكشەنىڭ ءبىرى – ەرنار. ونى ءبىراز ۋاقىتتان بەرى تانيتىن بولعان سوڭ ول تۋرالى قالاي جازارىمدى بىلمەي, قاي قىرىنان كورسەتسەم ەكەن, قاي قىرىن ۇلگى ەتسەم ەكەن دەپ كادىمگىدەي تولعاندىم. سوڭىندا سانامداعى ەستەلىكتەردى قايتا ءبىر ءسۇزىپ شىعىپ, ءبارىن باسىنان باستايىن دەپ ۇيعاردىم.
وسىدان بەس جىل بۇرىن ەرنار استاناعا كەلدى. پەندە بولعان سوڭ: «اياعىنىڭ كەمدىگى بار ەكەن-اۋ. مىناداي ۇلكەن شاھاردا قالاي ءومىر سۇرمەك؟» دەگەن ويعا بەرىلگەنىم راس. بىراق, قىتايدىڭ سوناۋ شىڭجاڭ ولكەسىنەن, ونىڭ ىشىندە التاي ايماعىنان كەلگەن ەرنار تىم جىگەرلى ەدى. ول 2003 جىلى قىتايدىڭ «شىڭجاڭ ۋنيۆەرسيتەتىنە» وقۋعا ءتۇسىپ, اتالعان وقۋ ورنىن «اقپارات جانە ەسەپتەۋ» ماماندىعى بويىنشا بىتىرگەن. وقۋىن بىتىرگەن سوڭ ءومىر بويى ۇكىمەتتىڭ اقشاسىن الىپ وتىراتىن مەملەكەتتىك قىزمەتكە تۇرعان. وسى جەردە ءسال تۇسىندىرمە جاساپ ءوتۋدى ءجون كورىپ وتىرمىن. قىتاي سوتسياليستىك جۇيەدەگى ەل بولعان سوڭ, وندا مەملەكەتتىك قىزمەتكە ءبىر ىلىككەن ادامدى ولە-ولگەنشە ۇكىمەت باعادى. ياعني, ول جاقتا مەملەكەتتىك قىزمەتتەن شىعىپ كەتۋ دەگەن ۇعىم بولمايدى. تالاي ۇمىتكەرلەرمەن قاتار باق سىناسىپ, ەمتيحان تاپسىرىپ, سونىڭ ىشىندە جەڭىسكە جەتىپ وتىرعان سوڭ تاستاپ كەتۋ دە قيىن. ەكىنشىدەن, «مەملەكەتتىك قىزمەت» دەگەن تەك جوعارى ورگانداردا جۇمىس ىستەۋ دەگەندى بىلدىرمەيدى. مىسالى, دارىگەر دە, مۇعالىم دە, ينجەنەر دە مەملەكەت قىزمەتكەرلەرى. ولارعا مۇمكىندىگىنشە تۇرمىس-تىرشىلىگىنىڭ جاقسى بولۋىنا باسىمدىق بەرىلەدى. مىنە, ءبىزدىڭ كەيىپكەرىمىز مەملەكەتىنىڭ الگىندەي ارتىقشىلىعىن بەلىنەن ءبىر سىزىپ, اتاجۇرتىنا تارتىپ وتىرعان. ال مۇندا كەلگەندە «مەملەكەتتىك قىزمەتكە» ورنالاسپاعانى تاعى بەلگىلى.
ايتسە دە بالا كۇنىنەن كومپيۋتەردىڭ ىشەك-قارنىن اقتارىپ وينايتىن اۋەستىگى ونى استانا تۇرعىندارىنىڭ ءبىرازىن تورىنە شىعارتتى. كوپ سويلەمەيتىن, ودان دا ناقتى ءبىر ءىس ىستەگەندى ءتاۋىر كورەتىن ەرنار كەلگەن كۇننەن قالاداعى اۆتوبۋس ايالدامالارىنا «ۇيلەرىڭىزدە كومپيۋتەر بۇزىلسا, مەنى شاقىرىڭىزدار» دەپ جازىپ, وعان قوسا تەلەفون ءنومىرىن كورسەتىپ ىلە بەردى. از كۇن وتپەي قالتا تەلەفونى بەزىلدەي جونەلەتىندى شىعاردى. ءسويتىپ ءجۇرىپ, ەلدىڭ شاڭ باسىپ تۇرعان كومپيۋتەرلەرىن ەلپەك اتتاي زاۋلاتۋمەن اينالىسقان ەرنار «كومپيۋتەر جوندەۋشى» رەتىندە ءبىراز ورتالارعا تانىلا باستادى. الگىندە ايتقانىمىزداي, توردە وتىرىپ, قۇرمەت تە كوردى. جارتى جىل وتكەن سوڭ ازاماتتىعىن الدى. بۇل ايتۋعا عانا وڭاي. ازاماتتىق الۋدىڭ شارۋاسىن ءوزى باسىنان وتكەرمەگەن ادام بىلمەيدى دە...
مىنە, سودان بەرى دە زاۋلاپ ۋاقىت ءوتىپ بارادى. وسىندا كەلگەنىنە ءبىر جىل تولعاندا ول «قارانار» دەگەن كومپيۋتەر ورتالىعىن اشتى. ۇلكەن قالاعا ۇلكەن ماقساتتىڭ جەتەگىندە كەلگەنىمەن, ءبىر جاعىنان ورىس ءتىلىن بىلمەگەنى ءۇشىن قۇجات رەتتەۋدىڭ ءجونىن تاپپاي, ەكىنشىدەن, قاعازباستىلىقتان قاجىپ, سوسىن كوشەدەگى كەزدەيسوق الاياقتارعا جەم بولىپ جۇرگەن قىتايدان كەلگەن قانداستارىنا كومەك كورسەتۋدىڭ جولىن ىزدەگەن ەرنار وسى ورتالىقتى اشۋعا بەل بايلاعانى دا ەسىمىزدە. ورتالىققا ون شاقتى كومپيۋتەر ورناتىپ, جۇمىسىن باستاپ كەتكەن سوڭ, اندا-ساندا باقىلاپ تا جۇردىك. وندا كومپيۋتەر جوندەۋ, انتيۆيرۋس ورناتۋ, جۇيە ەنگىزۋ, سۋرەت شىعارۋ, تۇيىندەمە جاساۋ, ينتەرنەت, كومپيۋتەر تۇتىنۋ قىزمەتىن كورسەتۋ, قىتايعا باراتىن قازاقستان ازاماتتارىنا ۆيزا اشۋ قۇجاتتارىن دايارلاۋ, سونداي-اق, قىتايدان كەلگەن قازاقتاردىڭ قۇجاتتارىن قىتاي تىلىنەن قازاق تىلىنە اۋدارىپ, نوتاريۋس جاساۋ, قازاقستان رەسپۋبليكاسى ازاماتتارىن جۇمىسپەن قامتۋ تۋرالى اقپاراتتارمەن قامتاماسىز ەتۋ, ت.ب ءتۇرلى قىزمەتتەردىڭ باسىندا وسى قارشىعاداي قارا جىگىت تۇردى. وسى جەردە ونىڭ ۇلتجاندىلىعىن دا ايتا كەتۋ ورىندى بولار دەپ ويلايمىن. «سكانيروۆانيە», «لامينيروۆانيە» دەگەندە ءتىلىمىز امالسىزدان بۇرالاتىن, ونىڭ ۇستىنە تالاي جەردەن ءدال سول كۇيىندە كەزدەستىرىپ جۇرگەن سوزدەرىمىزدى ەرەكەڭ «ءسۇزىپ الۋ», «جارعاقتاۋ» دەپ وزىنشە اۋدارىپ, ورتالىعىندا كورسەتىلەتىن قىزمەتتەر تىزىمىنە كىرگىزدى. انا ءتىلىنىڭ ۋىزىنا جارىپ وسكەن ءاربىر ادام بۇل اۋدارمانىڭ سونشالىقتى ۇعىنىقتى ءارى ءدال ەكەنىن اڭعارىپ, ۇلتقا قىزمەت ەتۋدىڭ وسىنداي ەلەۋسىز نارسەلەردەن باستالاتىنىن پايىمدار ەدى.
بۇگىندە «قارانار» ورتالىعى – كادىمگىدەي قالىپتاسقان, كوپشىلىك بىلەتىن ورتالىقتاردىڭ ءبىرى. ويتكەنى, ونىڭ باسقارۋشىسى باسقا ەمەس, ەرنار. قاراماعىندا ءۇش ادام ەڭبەك ەتەدى. سولاردىڭ ايلىق جالاقىسىن ءدال ۋاقىتىندا بەرىپ وتىرۋ ءوزىنىڭ موينىندا. كوبىندە قۇجاتتارعا قاتىستى ءىستى ءوزى تىندىرادى. ەڭ تاڭعالارلىعى, ءسىز بەن ءبىزدىڭ تاعاتىمىز جەتىپ, جارتى كۇندە اياقتاي المايتىن شارۋالاردى ەرەكەڭنىڭ ارى كەتكەندە 2-3 ساعاتتا ءبىتىرىپ بەرە الاتىندىعى. ءتيىستى مەكەمەلەردى دە, قانداي قۇجات الۋ ءۇشىن نە كەرەك دەگەندى دە بەس ساۋساعىنداي بىلەتىن ادام بولسا, ول دا ەرنار. سول ءۇشىن قۇجاتقا قاتىستى قانداي ماسەلە شىقسا دا, ءوزىمىزدىڭ دە وسى ماقالانىڭ كەيىپكەرىن ىزدەپ جۇرەتىنىمىز جاسىرىن ەمەس.
ەرنار العاش استاناعا كەلگەندە بويداق جىگىت بولاتىن. اتا-اناسى, باۋىرلارى, تۋعان-تۋىسى ءبارى شىڭگىلدە قالعان. مەكتەپتە بىرگە وقىعان سىنىپتاستارى مەن اۋىلداس تانىستارىن عانا قارا تۇتىپ ەلورداعا كەلگەن جىگەرلى جىگىت قازىر ءبىر اۋلەتتىڭ اسىراۋشىسى, پانا بولار تىرەگى دەسە بولادى. الدىمەن قالانىڭ شەتىنەن جەر الىپ, ءۇي سالدى. سوڭىنان اتا-اناسىن كوشىرىپ الدى. وسىدان ەكى جىل بۇرىن ايداي سۇلۋ نۇرساۋلەگە ۇيلەندى. قۇلدىراڭداعان ءسابيى ءوسىپ كەلەدى. وتباسىلىق باقىتتىڭ كلاسسيكالىق ۇلگىسى قاراپايىم عانا بولاتىنىن دالەلدەپ جاتۋ دا ارتىق. مىنە, ەرناردىڭ تىرشىلىگى وسىنداي.
ەرناردىڭ تىرشىلىگى عانا ەمەس, قۇلشىلىعى دا «يمانىمىز جۇرەكتە» دەپ, ونى نامازبەن بەكىتۋگە كەلگەندە ءالسىزدىك تانىتاتىن كوبىمىزگە ۇلگى بولۋعا جارايدى. ناماز وقۋ قۇپيا قۇلشىلىق دەسەك تە, ەرناردى كورگەن سايىن يسلامنىڭ كەرەمەتتىگىنە, ادامنىڭ مۇمكىندىگىنىڭ مول ەكەنىنە, ەڭ باستىسى, ول مۇمكىندىك دەنە قۋاتىنان بۇرىن ميدىڭ, سانانىڭ قۋاتىنا تاۋەلدى ەكەنىنە كوزىمىز جەتە تۇسەدى. وسى وتكەندە «فەيسبۋك» الەۋمەتتىك جەلىسىندە اباي قالشابەك ەسىمدى اقىن زامانداسىمىزدىڭ «مۇمكىندىگى شەكتەۋلى» دەگەندى مۇمكىندىگى شەكسىز بىرەۋ ويلاپ شىعارعان-اۋ» دەگەن تۇرعىداعى, كىسىگە ۇلكەن وي سالاتىن جازباسىن بايقاپ قالعانبىز. شىنىندا قوعامعا قاجەتتىلىكتىڭ, تولىققاندى ادامدىقتىڭ ولشەمىن تەك قانا ون ەكى مۇشەنىڭ ساۋلىعىمەن ولشەپ ۇيرەنگەن جانداردىڭ بولاتىنى, ولار ادامنىڭ قارىم-قابىلەتىن تەك وسى تۇرعىدا عانا باعالايتىنى دا راس قوي. ال, ەرنارىڭىز «مۇمكىندىگى شەكسىز» سول جانداردان ەشقانداي دا كەم ەمەس. ءوز ورتاسىنا سۇيكىمدى, قوعامعا قاجەتتى ءارى پايدالى, ەڭ باستىسى, جۇرەگىنە يمان ۇيالاعان ازامات. ءوز باسىم وسى ۋاقىتقا دەيىن ونىڭ قاباعى ءتۇسىپ نە بىرنارسەگە اشۋلانىپ, نە بىرەۋگە داۋىس كوتەرىپ سويلەپ جاتقانىن, ءتىپتى قوعامداعى كەيبىر ادىلەتسىزدىكتەر تۋرالى ءجۇنى جىعىلىپ اڭگىمە عىپ وتىرعانىن كورگەن ەمەسپىن. كوپ سويلەمەسە دە, جادىراڭقى مىنەزىمەن, جاراسىمدى ازىلىمەن جايراڭداپ جۇرەدى. كوبىندە ۋاقىتتىڭ تىم قىمبات ەكەنىن ەسىمىزگە سالىپ, شارۋا تىندىرۋ ءۇشىن استىنداعى جەڭىل كولىگىمەن قۇيعىتىپ بارا جاتادى. مىنە, ءبىزدىڭ ەرنار وسىنداي جان.
ايگۇل سەيىلوۆا,
«ەگەمەن قازاقستان».
استانا.
وسىدان بەس جىل بۇرىن ەرنار استاناعا كەلدى. پەندە بولعان سوڭ: «اياعىنىڭ كەمدىگى بار ەكەن-اۋ. مىناداي ۇلكەن شاھاردا قالاي ءومىر سۇرمەك؟» دەگەن ويعا بەرىلگەنىم راس. بىراق, قىتايدىڭ سوناۋ شىڭجاڭ ولكەسىنەن, ونىڭ ىشىندە التاي ايماعىنان كەلگەن ەرنار تىم جىگەرلى ەدى. ول 2003 جىلى قىتايدىڭ «شىڭجاڭ ۋنيۆەرسيتەتىنە» وقۋعا ءتۇسىپ, اتالعان وقۋ ورنىن «اقپارات جانە ەسەپتەۋ» ماماندىعى بويىنشا بىتىرگەن. وقۋىن بىتىرگەن سوڭ ءومىر بويى ۇكىمەتتىڭ اقشاسىن الىپ وتىراتىن مەملەكەتتىك قىزمەتكە تۇرعان. وسى جەردە ءسال تۇسىندىرمە جاساپ ءوتۋدى ءجون كورىپ وتىرمىن. قىتاي سوتسياليستىك جۇيەدەگى ەل بولعان سوڭ, وندا مەملەكەتتىك قىزمەتكە ءبىر ىلىككەن ادامدى ولە-ولگەنشە ۇكىمەت باعادى. ياعني, ول جاقتا مەملەكەتتىك قىزمەتتەن شىعىپ كەتۋ دەگەن ۇعىم بولمايدى. تالاي ۇمىتكەرلەرمەن قاتار باق سىناسىپ, ەمتيحان تاپسىرىپ, سونىڭ ىشىندە جەڭىسكە جەتىپ وتىرعان سوڭ تاستاپ كەتۋ دە قيىن. ەكىنشىدەن, «مەملەكەتتىك قىزمەت» دەگەن تەك جوعارى ورگانداردا جۇمىس ىستەۋ دەگەندى بىلدىرمەيدى. مىسالى, دارىگەر دە, مۇعالىم دە, ينجەنەر دە مەملەكەت قىزمەتكەرلەرى. ولارعا مۇمكىندىگىنشە تۇرمىس-تىرشىلىگىنىڭ جاقسى بولۋىنا باسىمدىق بەرىلەدى. مىنە, ءبىزدىڭ كەيىپكەرىمىز مەملەكەتىنىڭ الگىندەي ارتىقشىلىعىن بەلىنەن ءبىر سىزىپ, اتاجۇرتىنا تارتىپ وتىرعان. ال مۇندا كەلگەندە «مەملەكەتتىك قىزمەتكە» ورنالاسپاعانى تاعى بەلگىلى.
ايتسە دە بالا كۇنىنەن كومپيۋتەردىڭ ىشەك-قارنىن اقتارىپ وينايتىن اۋەستىگى ونى استانا تۇرعىندارىنىڭ ءبىرازىن تورىنە شىعارتتى. كوپ سويلەمەيتىن, ودان دا ناقتى ءبىر ءىس ىستەگەندى ءتاۋىر كورەتىن ەرنار كەلگەن كۇننەن قالاداعى اۆتوبۋس ايالدامالارىنا «ۇيلەرىڭىزدە كومپيۋتەر بۇزىلسا, مەنى شاقىرىڭىزدار» دەپ جازىپ, وعان قوسا تەلەفون ءنومىرىن كورسەتىپ ىلە بەردى. از كۇن وتپەي قالتا تەلەفونى بەزىلدەي جونەلەتىندى شىعاردى. ءسويتىپ ءجۇرىپ, ەلدىڭ شاڭ باسىپ تۇرعان كومپيۋتەرلەرىن ەلپەك اتتاي زاۋلاتۋمەن اينالىسقان ەرنار «كومپيۋتەر جوندەۋشى» رەتىندە ءبىراز ورتالارعا تانىلا باستادى. الگىندە ايتقانىمىزداي, توردە وتىرىپ, قۇرمەت تە كوردى. جارتى جىل وتكەن سوڭ ازاماتتىعىن الدى. بۇل ايتۋعا عانا وڭاي. ازاماتتىق الۋدىڭ شارۋاسىن ءوزى باسىنان وتكەرمەگەن ادام بىلمەيدى دە...
مىنە, سودان بەرى دە زاۋلاپ ۋاقىت ءوتىپ بارادى. وسىندا كەلگەنىنە ءبىر جىل تولعاندا ول «قارانار» دەگەن كومپيۋتەر ورتالىعىن اشتى. ۇلكەن قالاعا ۇلكەن ماقساتتىڭ جەتەگىندە كەلگەنىمەن, ءبىر جاعىنان ورىس ءتىلىن بىلمەگەنى ءۇشىن قۇجات رەتتەۋدىڭ ءجونىن تاپپاي, ەكىنشىدەن, قاعازباستىلىقتان قاجىپ, سوسىن كوشەدەگى كەزدەيسوق الاياقتارعا جەم بولىپ جۇرگەن قىتايدان كەلگەن قانداستارىنا كومەك كورسەتۋدىڭ جولىن ىزدەگەن ەرنار وسى ورتالىقتى اشۋعا بەل بايلاعانى دا ەسىمىزدە. ورتالىققا ون شاقتى كومپيۋتەر ورناتىپ, جۇمىسىن باستاپ كەتكەن سوڭ, اندا-ساندا باقىلاپ تا جۇردىك. وندا كومپيۋتەر جوندەۋ, انتيۆيرۋس ورناتۋ, جۇيە ەنگىزۋ, سۋرەت شىعارۋ, تۇيىندەمە جاساۋ, ينتەرنەت, كومپيۋتەر تۇتىنۋ قىزمەتىن كورسەتۋ, قىتايعا باراتىن قازاقستان ازاماتتارىنا ۆيزا اشۋ قۇجاتتارىن دايارلاۋ, سونداي-اق, قىتايدان كەلگەن قازاقتاردىڭ قۇجاتتارىن قىتاي تىلىنەن قازاق تىلىنە اۋدارىپ, نوتاريۋس جاساۋ, قازاقستان رەسپۋبليكاسى ازاماتتارىن جۇمىسپەن قامتۋ تۋرالى اقپاراتتارمەن قامتاماسىز ەتۋ, ت.ب ءتۇرلى قىزمەتتەردىڭ باسىندا وسى قارشىعاداي قارا جىگىت تۇردى. وسى جەردە ونىڭ ۇلتجاندىلىعىن دا ايتا كەتۋ ورىندى بولار دەپ ويلايمىن. «سكانيروۆانيە», «لامينيروۆانيە» دەگەندە ءتىلىمىز امالسىزدان بۇرالاتىن, ونىڭ ۇستىنە تالاي جەردەن ءدال سول كۇيىندە كەزدەستىرىپ جۇرگەن سوزدەرىمىزدى ەرەكەڭ «ءسۇزىپ الۋ», «جارعاقتاۋ» دەپ وزىنشە اۋدارىپ, ورتالىعىندا كورسەتىلەتىن قىزمەتتەر تىزىمىنە كىرگىزدى. انا ءتىلىنىڭ ۋىزىنا جارىپ وسكەن ءاربىر ادام بۇل اۋدارمانىڭ سونشالىقتى ۇعىنىقتى ءارى ءدال ەكەنىن اڭعارىپ, ۇلتقا قىزمەت ەتۋدىڭ وسىنداي ەلەۋسىز نارسەلەردەن باستالاتىنىن پايىمدار ەدى.
بۇگىندە «قارانار» ورتالىعى – كادىمگىدەي قالىپتاسقان, كوپشىلىك بىلەتىن ورتالىقتاردىڭ ءبىرى. ويتكەنى, ونىڭ باسقارۋشىسى باسقا ەمەس, ەرنار. قاراماعىندا ءۇش ادام ەڭبەك ەتەدى. سولاردىڭ ايلىق جالاقىسىن ءدال ۋاقىتىندا بەرىپ وتىرۋ ءوزىنىڭ موينىندا. كوبىندە قۇجاتتارعا قاتىستى ءىستى ءوزى تىندىرادى. ەڭ تاڭعالارلىعى, ءسىز بەن ءبىزدىڭ تاعاتىمىز جەتىپ, جارتى كۇندە اياقتاي المايتىن شارۋالاردى ەرەكەڭنىڭ ارى كەتكەندە 2-3 ساعاتتا ءبىتىرىپ بەرە الاتىندىعى. ءتيىستى مەكەمەلەردى دە, قانداي قۇجات الۋ ءۇشىن نە كەرەك دەگەندى دە بەس ساۋساعىنداي بىلەتىن ادام بولسا, ول دا ەرنار. سول ءۇشىن قۇجاتقا قاتىستى قانداي ماسەلە شىقسا دا, ءوزىمىزدىڭ دە وسى ماقالانىڭ كەيىپكەرىن ىزدەپ جۇرەتىنىمىز جاسىرىن ەمەس.
ەرنار العاش استاناعا كەلگەندە بويداق جىگىت بولاتىن. اتا-اناسى, باۋىرلارى, تۋعان-تۋىسى ءبارى شىڭگىلدە قالعان. مەكتەپتە بىرگە وقىعان سىنىپتاستارى مەن اۋىلداس تانىستارىن عانا قارا تۇتىپ ەلورداعا كەلگەن جىگەرلى جىگىت قازىر ءبىر اۋلەتتىڭ اسىراۋشىسى, پانا بولار تىرەگى دەسە بولادى. الدىمەن قالانىڭ شەتىنەن جەر الىپ, ءۇي سالدى. سوڭىنان اتا-اناسىن كوشىرىپ الدى. وسىدان ەكى جىل بۇرىن ايداي سۇلۋ نۇرساۋلەگە ۇيلەندى. قۇلدىراڭداعان ءسابيى ءوسىپ كەلەدى. وتباسىلىق باقىتتىڭ كلاسسيكالىق ۇلگىسى قاراپايىم عانا بولاتىنىن دالەلدەپ جاتۋ دا ارتىق. مىنە, ەرناردىڭ تىرشىلىگى وسىنداي.
ەرناردىڭ تىرشىلىگى عانا ەمەس, قۇلشىلىعى دا «يمانىمىز جۇرەكتە» دەپ, ونى نامازبەن بەكىتۋگە كەلگەندە ءالسىزدىك تانىتاتىن كوبىمىزگە ۇلگى بولۋعا جارايدى. ناماز وقۋ قۇپيا قۇلشىلىق دەسەك تە, ەرناردى كورگەن سايىن يسلامنىڭ كەرەمەتتىگىنە, ادامنىڭ مۇمكىندىگىنىڭ مول ەكەنىنە, ەڭ باستىسى, ول مۇمكىندىك دەنە قۋاتىنان بۇرىن ميدىڭ, سانانىڭ قۋاتىنا تاۋەلدى ەكەنىنە كوزىمىز جەتە تۇسەدى. وسى وتكەندە «فەيسبۋك» الەۋمەتتىك جەلىسىندە اباي قالشابەك ەسىمدى اقىن زامانداسىمىزدىڭ «مۇمكىندىگى شەكتەۋلى» دەگەندى مۇمكىندىگى شەكسىز بىرەۋ ويلاپ شىعارعان-اۋ» دەگەن تۇرعىداعى, كىسىگە ۇلكەن وي سالاتىن جازباسىن بايقاپ قالعانبىز. شىنىندا قوعامعا قاجەتتىلىكتىڭ, تولىققاندى ادامدىقتىڭ ولشەمىن تەك قانا ون ەكى مۇشەنىڭ ساۋلىعىمەن ولشەپ ۇيرەنگەن جانداردىڭ بولاتىنى, ولار ادامنىڭ قارىم-قابىلەتىن تەك وسى تۇرعىدا عانا باعالايتىنى دا راس قوي. ال, ەرنارىڭىز «مۇمكىندىگى شەكسىز» سول جانداردان ەشقانداي دا كەم ەمەس. ءوز ورتاسىنا سۇيكىمدى, قوعامعا قاجەتتى ءارى پايدالى, ەڭ باستىسى, جۇرەگىنە يمان ۇيالاعان ازامات. ءوز باسىم وسى ۋاقىتقا دەيىن ونىڭ قاباعى ءتۇسىپ نە بىرنارسەگە اشۋلانىپ, نە بىرەۋگە داۋىس كوتەرىپ سويلەپ جاتقانىن, ءتىپتى قوعامداعى كەيبىر ادىلەتسىزدىكتەر تۋرالى ءجۇنى جىعىلىپ اڭگىمە عىپ وتىرعانىن كورگەن ەمەسپىن. كوپ سويلەمەسە دە, جادىراڭقى مىنەزىمەن, جاراسىمدى ازىلىمەن جايراڭداپ جۇرەدى. كوبىندە ۋاقىتتىڭ تىم قىمبات ەكەنىن ەسىمىزگە سالىپ, شارۋا تىندىرۋ ءۇشىن استىنداعى جەڭىل كولىگىمەن قۇيعىتىپ بارا جاتادى. مىنە, ءبىزدىڭ ەرنار وسىنداي جان.
ايگۇل سەيىلوۆا,
«ەگەمەن قازاقستان».
استانا.
