«استانانىڭ ينفراقۇرىلىمىن دايەكتى تۇردە دامىتۋ قاجەت. ۋربانيزاتسيانىڭ قازىرگى قارقىنى ساقتالسا, ەلوردا تۇرعىندارىنىڭ سانى 2030 جىلعا قاراي ەكى ميلليون ادامعا جەتۋى مۇمكىن. قالا قارقىندى دامىپ كەلە جاتقاندىقتان بۇگىندە باس جوسپاردىڭ كوپتەگەن تالاپتارى جۇيەلى تۇردە بۇزىلىپ جاتقانىن كورىپ وتىرمىز. سوندىقتان ينجەنەرلىك ينفراقۇرىلىمدى كەشەندى دامىتۋ - ءبىرىنشى كەزەكتەگى مىندەتتىڭ ءبىرى», دەدى پرەزيدەنت.
مەملەكەت باسشىسىنىڭ ايتۋىنشا, بۇل باعىتتا بەلگىلى ءبىر ماسەلەلەر بار.
«اتاپ ايتقاندا, اكىمدىك 10 جىلدان استام ۋاقىت بويى جەو-3-ءتى پايدالانۋعا بەرە الماي كەلەدى. جوبانى جۇزەگە اسىرۋ مەرزىمى بىرنەشە رەت كەيىنگە شەگەرىلىپ, ونىڭ باعاسى 53 ملرد تەڭگەگە قىمباتتاعان. بۇل ماسەلە 2019 جىلى كوتەرىلگەنىمەن, نىساننىڭ دايىندىعى ءالى 83 پايىزدى قۇراپ وتىر», دەدى ەل پرەزيدەنتى.
سونىڭ سالدارىنان ەلوردا 300 گيگاكالوريادان اساتىن جىلۋ ەنەرگياسىنىڭ تاپشىلىعىنان زارداپ شەگىپ وتىر.
