اقپاراتتار اعىنى

● بيىلعى جىلى ارنايى ەكونوميكالىق ايماق­تاردا 65 جوبا ىسكە اسىرىلدى. ولاردا وسى كەزگە دەيىن 300 ملرد. تەڭگەنىڭ ءونىمى شىعارىلعان. كەشە بۇل تۋرالى ايتقان يندۋستريا جانە جاڭا تەحنولوگيالار ءمينيسترىنىڭ ورىنباسارى ەرلان ساعا­ديەۆتىڭ مالىمەتىنشە, تاعى 72 جو­با اياقتالۋعا جاقىن. جال­پى, ەلىمىز بويىنشا 10 ارنايى ەكونوميكالىق ايماق بول­سا, قازىر ونىڭ 6-ۋىنىڭ ين­فرا­قۇرىلىمى ءازىر, 4-ءۋىنىڭ قۇ­رى­لىسى ەندى باستالىپ جاتىر. ● اقجايىق وڭىرىندە ۇدە­­مەلى يندۋستريالىق-يننو­ۆا­تسيالىق باعدارلاما شەڭ­بەرىندە 36 جوبا قانات قاق­تى.  بۇل تۋرالى ورالدا ءوت­كەن ۇلتتىق كاسىپكەرلەر پالا­تا­سىنىڭ كەڭەيتىلگەن كەڭە­س­ىندە ايتىلدى. وندا پالاتا ءتورا­عا­سى تيمۋر ق ۇلىباەۆ قالبىرداعى ەت ونىمدەرىن سىرتقا شىعارۋدى جولعا قويعان كاسىپورىننىڭ جۇمىسىمەن تانىستى. ● قاراعاندى وبلىسىنىڭ ديقاندارى ديزەل وتىننىڭ الۋعا ارنالعان قارجىنىڭ 400 ملن. تەڭگەدەن استامىن ۇنەمدەدى. بيىلعى جىلى كەندى وڭىردە جازعى داقىلدارعا 770,6 مىڭ گەكتار جەر بەرىلدى, ول وتكەن جىلعىدان 44,3 مىڭ گەكتارعا كوپ. استىقتى داقىلدار تاناپتارى 699,2 مىڭ گەكتاردى, سونىڭ ىشىندە بيداي – 545,6 مىڭ گەكتار, س ۇلى 140,2 مىڭ گەكتاردى   قۇرايدى. ● وڭتۇستىك قازاقستاندا تاعى ءبىر مەشىت ەل يگىلىگىنە بەرىلدى. وبلىستىڭ قاسقاسۋ اۋىلىنىڭ تۇرعىندارى وسىنداي اسەم عيبادات ۇيىنە قول جەتكىزىپ, ۇلكەن قۋانىشقا بولەندى. وسى جەردىڭ تۋماسى باراش تولەشوۆانىڭ قار­جىلىق قولداۋىمەن تۇرعى­زىلعان قۇتحانا قازاقستان مۇسىلماندارى ءدىني باسقار­ماسىنىڭ قاراماعىنا بەرىلدى. ● كەشە قىزىلوردادا كامە­رالىق وركەستردىڭ تۇ­ساۋ­كەسەرى ءوتتى. وبلىستىق فيلارمونيا جا­نىنان قۇرىلعان بۇل ونەر ۇجىمى وبلىس اكىمى قىرىمبەك كوشەرباەۆتىڭ قولداۋىمەن قاتارعا قوسىلدى. جاڭا ۇجىمنىڭ تىرناقالدى كونتسەرتىن ايماق باسشىسى باستاعان ونەرسۇيەر قاۋىم تاماشالادى. وركەستر الەمدىك جانە قازاق حالقىنىڭ تۋىندىلارىن ورىندادى. ● شىعىس قازاقستاندا ەكى جىلدىڭ ىشىندە بارلىق جەردە تسيفرلى تەلەديدار پايدا بولادى. بۇل تۋرالى كەشە وبلىستىڭ قاتونقاراعاي اۋدانىنداعى «نۇربۇلاق» ساناتوريىندە وتكەن رەسپۋب­ليكالىق فورۋمدا ءمالىم ەتىلدى. ال جاڭا جەتىستىككە باي­لا­نىس جانە اقپارات اگەنتتىگى مەن وبلىس اكىمدىگى اراسىندا جاسال­عان مەموراندۋم نەگىزىندە قول جەتكىزىلەتىن بولادى. ● جامبىل وبلىسى شۋ اۋدانىندا كوكونىس كلاستەرىن دامىتۋ قولعا الىندى. وسى­عان بايلانىستى تاسوتكەل ماگيسترالدى كا­نالىنىڭ وڭ جاعالاۋىندا بوس جاتقان 9 مىڭ گەكتار جەر يگەرىلەدى. ال العاشقى 3 مىڭ گەكتارعا بيىل كوكونىس ەگىلدى. «قازاقپارات», 24KZ, Otyrar.kz, اltaynews.kz, Egemen.kz اگەنتتىكتەرى مەن پاۆلودار وبلىسى اكىمدىگى سايتتارى دەرەكتەرى بويىنشا دايىندالدى.