مازمۇندى ءىس-شارا بارىسىندا مۋزەي عالىمدارى 2022 جىلى اتقارعان عىلىمي-زەرتتەۋ جۇمىستارىنىڭ ناتيجەلەرىمەن تانىستىردى. باستى جاڭالىق – «قازاقستانداعى ارحەولوگيالىق زەرتتەۋلەر – 2021» اتتى عىلىمي جيناعىنىڭ جارىق كورۋى. مۇنداي جيناق وتاندىق ارحەولوگيا تاريحىندا العاش رەت شىعارىلىپ وتىر. ەجەلگى تاس ءداۋىرىنىڭ تاريحىنان باستاپ, ەتنوگرافيالىق ۋاقىتقا دەيىنگى مەجەنى قامتىعان ەڭبەك, عىلىمعا قوسىلعان ولجا سانالادى.
سونداي-اق اقمولا, سولتۇستىك قازاقستان وبلىستارى رەسپۋبليكالىق «وتانداستار» قورىمەن بىرلەسىپ, وزبەكستاندا جۇرگىزگەن مۋزىكالىق-فولكلورلىق ەكسپەديتسيا تۋرالى باياندادى. بىلتىر ماتەريالدىق ەمەس مادەني مۇرانىڭ 600-دەن استام ۇلگىسى جيناقتالعان.
سونىمەن قاتار جيىن اياسىندا ۇلتتىق مۋزەي عالىمدارىنىڭ دالالىق زەرتتەۋ جۇمىستارىندا جادىگەرلەردەن كورمە ۇيىمداستىرىلدى.
