الماتى جەو-2-ءنى گازعا اۋىستىرۋ جوباسى بويىنشا 2023 جىلدىڭ اقپان ايىندا جاڭا بۋ-گاز قوندىرعىسىن سالۋعا ارنالعان تەندەردىڭ ءبىرىنشى كەزەڭىنىڭ قورىتىندىسى شىعارىلاتىن بولادى. وسى جىلى ستانتسيادا مەردىگەر انىقتالىپ، قۇرىلىس-مونتاج جۇمىستارى باستالادى. 2025 جىلى جيىنتىق قۋاتى 543،6 مۆت بولاتىن ەكى بۋ-گاز قوندىرعىسىن ىسكە قوسۋ ارقىلى الماتى جەو-3-ءتى قايتا جاڭارتۋ اياقتالادى، دەپ جازادى Egemen.kz «سامۇرىق-ەنەرگو» اق ءباسپاسوز قىزمەتى تاراتقان دەرەككە سىلتەمە جاساپ.
2023 جىلعى جەلتوقساندا ەكىباستۇز گرەس-1-دە قۋاتى 500 مۆت قالپىنا كەلتىرىلگەن №1 ەنەرگيا بلوگىن پايدالانۋعا بەرۋ جوسپارلانىپ وتىر جانە ەكى جاڭا ەنەرگيا بلوگىن ورناتۋ ارقىلى ەكىباستۇز گرەس-2-ءنى كەڭەيتۋ بويىنشا جۇمىستار جالعاسادى. ەكىباستۇز گرەس-3 قۇرىلىسى بويىنشا جوبالاۋ الدىنداعى ءىس-شارالار باستالدى.
ەنەرگەتيكا سالاسىنداعى اسا ماڭىزدى جوبالاردى ىسكە اسىرۋ «سامۇرىق-قازىنا» باسقارما توراعاسى الماسادام ساتقاليەۆتىڭ «سامۇرىق-ەنەرگو» اق الماتى ەنەرگوكەشەنىنىڭ كاسىپورىندارىنا جۇمىس ساپارى بارىسىندا الماتى قالاسىندا وتكەن كەڭەستىڭ تالقىلاۋ تاقىرىبىنا اينالدى.
قور باسشىسىنىڭ ايتۋىنشا، ەنەرگەتيكا - ەل ەكونوميكاسىن دامىتۋدىڭ نەگىزگى فاكتورى، ول ەركىن ەنەرگەتيكالىق قۋاتسىز قازاقستان يندۋستريانى دا، ەكونوميكانىڭ باسقا ماڭىزدى سەكتورلارىن دا دامىتا المايدى.
كەڭەس بارىسىندا «سامۇرىق-ەنەرگو» اق كومپانيالار توبىنىڭ – «الماتى ەلەكتر ستانتسيالارى» اق جانە «الاتاۋ جارىق كومپانياسى» اق باسشىلارى قازىرگى كەزدە وڭىردە جۇزەگە اسىرىلىپ جاتقان بىرنەشە جوبالاردى كەڭىنەن تانىستىردى. بۇدان باسقا، الماتى جەو-2 جانە جەو-3 ءۇشىن سىرتقى گاز ينفراقۇرىلىمى قۇرىلىسىنىڭ بارىسى تۋرالى «QazaqGaz» ۇك» اق وكىلدەرى باياندادى.
«سامۇرىق-ەنەرگو» اق باسشىسى سەرىك تۇتەباەۆتىڭ ايتۋىنشا، ەلىمىزدىڭ ەنەرگەتيكاسىنداعى نەگىزگى ينفراقۇرىلىمدىق جوبالار ەكىباستۇز بەن الماتى ەنەرگوكەشەندەرىندە جۇزەگە اسىرىلىپ جاتىر. بىرقاتار جاڭا نىساندار قازىردىڭ وزىندە پايدالانۋعا بەرىلدى، باسقالارى بويىنشا ىسكە اسىرۋ مەرزىمى 2030 جىلعا دەيىنگى كەزەڭگە بولجانىپ وتىر، ونىڭ ىشىندە:
- جاڭا ەلەكتر سۇزگىلەرىن ورناتا وتىرىپ، گرەس-1-دە №1 ەنەرگيا بلوگىن قالپىنا كەلتىرۋ. جوبا ستانتسيانىڭ قۋاتىن جوبالانعان 4000 مۆت-عا دەيىن ارتتىرادى. قۇرىلىس-مونتاجداۋ جۇمىستارىن اياقتاۋ جانە بلوكتى پايدالانۋعا بەرۋ 2023 جىلدىڭ جەلتوقسانىنا جوسپارلانىپ وتىر.
- №3 ەنەرگيا بلوگىن ورناتۋ ارقىلى ەكىباستۇز گرەس-2-ءنى كەڭەيتۋ جانە رەكونسترۋكتسيالاۋ. جاڭا ەنەرگيا بلوگىنىڭ قۇرىلىسى ستانتسيانىڭ بەلگىلەنگەن قۋاتىن 636 مۆت-عا ۇلعايتۋعا مۇمكىندىك بەرەدى جانە جىلىنا قوسىمشا 4،8 ملرد كۆتساع ەنەرگيا ءوندىرۋدى قامتاماسىز ەتەدى. ىسكە اسىرۋ مەرزىمى - 2026 جىلعا دەيىن.
- №4 ەنەرگيا بلوگىن ورناتۋ ارقىلى ەكىباستۇز گرەس-2-ءنى كەڭەيتۋ جانە رەكونسترۋكتسيالاۋ. جوبا ستانتسيانىڭ بەلگىلەنگەن قۋاتىن 636 مۆت-عا ۇلعايتۋعا جانە جىلىنا قوسىمشا 4،8 ملرد كۆتساع ءوندىرۋدى قامتاماسىز ەتۋگە مۇمكىندىك بەرەدى. ىسكە اسىرۋ مەرزىمى - 2027 جىل;
- №5 جانە № 6 ەنەرگيا بلوكتارىن ورناتۋ ارقىلى ەكىباستۇز گرەس-2-ءنى كەڭەيتۋ جانە رەكونسترۋكتسيالاۋ، 2029-2030 جج.;
- ەكىباستۇز گرەس-3-ءتى سالۋ. قولدا بار ينفراقۇرىلىمدى پايدالانا وتىرىپ جانە قورشاعان ورتاعا لاستاۋشى شىعارىندىلاردى ازايتۋ ءۇشىن جاڭا تەحنولوگيالاردى قولدانۋ ارقىلى پارامەترلەرى جوعارى 1200 مۆت جاڭا ستانتسيانىڭ جوباسى. ىسكە اسىرۋ مەرزىمى - 2028-2029 جج;
- الماتى قالاسى مەن الماتى وبلىسىنىڭ كابەلدىك جەلىلەرىن رەكونسترۋكتسيالاۋ. جوبانى اياقتاۋ كابەلدىك جەلىلەردەگى شىعىننىڭ ازايۋىنا جانە اپاتتىق ىستەن شىعۋدىڭ قىسقارۋىنا اكەلەدى. جوبانى كەزەڭ-كەزەڭمەن ىسكە اسىرۋ 2030 جىلعا دەيىن كوزدەلگەن;
- شەلەك ەنەرگيا تورابىنىڭ جەلىلەرىن دامىتۋ. الماتى وبلىسى جاڭارتىلاتىن ەنەرگيا كوزدەرىن دامىتۋدا ۇلكەن الەۋەتكە يە. بۇل جوبا ءوڭىردىڭ جەك وبەكتىلەرىن سالۋدا ءوڭىردىڭ الەۋەتىن پايدالانۋ ءۇشىن شەلەك ەنەرگيا تورابىنىڭ جەلىلىك شارۋاشىلىعىنىڭ وتكىزۋ قابىلەتىن ارتتىرۋعا مۇمكىندىك بەرەدى. 2025 جىل;
- ىلە وزەنىندە قارسى رەتتەگىش كەربۇلاق سەس-ءىن سالۋ. جوبانى ىسكە اسىرۋ قاپشاعاي سەس-ءىنىڭ رەتتەگىش قۋاتىن 80-نەن 150 مۆت-عا دەيىن ارتتىرۋعا مۇمكىندىك بەرەدى. 2026 جىل;
- قورشاعان ورتاعا اسەرىن بارىنشا ازايتا وتىرىپ، الماتى جەو-2-ءنى جاڭعىرتۋ. ەسكى الاڭدا جاڭا ستانتسيا سالۋ جەو-2-ءنى تابيعي گاز جاعۋعا كوشىرۋ ەسەبىنەن الماتى قالاسىنىڭ ەكولوگيالىق جاعدايىنا تەرىس اسەردى ازايتۋعا مۇمكىندىك بەرەدى. قازىرگى كەزدە اشىق ەكى ساتىلى حالىقارالىق تەندەر جاريالاندى. ەقدب-مەن جوبانى قارجىلاندىرۋ تۋرالى كرەديتتىك كەلىسىمگە قول قويىلدى. ساۋىردە ادب-مەن جانە قدب-مەن كرەديتتىك كەلىسىمدەرگە قول قويۋ جوسپارلانىپ وتىر. 2026 جىل;
- ستانتسيانىڭ قۋاتىن 544 مۆت-عا دەيىن ۇلعايتۋ ارقىلى بگق نەگىزىندە الماتى جەو-3-ءتى قايتا جاڭارتۋ. جوبا قازاقستاننىڭ وڭتۇستىك ايماعىنداعى مانەۆرلىك قۋاتتاردىڭ تاپشىلىعىن ءىشىنارا جابۋ ءۇشىن ستانتسيادا بۋ-گاز جابدىعىن ورناتۋدى كوزدەيدى، سول ارقىلى وڭىردە جەك-ءتى دامىتۋعا سەرپىن بەرەدى. 2025 جىل;
- «قاسكەلەڭ» قس اتق-عا قوسىلۋ ارقىلى «كوكوزەك» قوسالقى ستانتسياسىن سالۋ. بۇل جوبانى ىسكە اسىرۋ الماتى وبلىسى قاراساي اۋدانىنىڭ يندۋستريالىق ايماعىن دامىتۋدى قامتاماسىز ەتۋگە مۇمكىندىك بەرەدى. 2023 جىل.
كەڭەستە تەحنولوگيالىق، راسىمدىك جانە قارجىلىق اسپەكتىلەردەن بولەك پروبلەمالىق ماسەلەلەر مەن ولاردى شەشۋ جولدارى تالقىلاندى. كەڭەس قورىتىندىسى بويىنشا قور باسشىسى قىسقا مەرزىمدە ورىنداۋ ءۇشىن بىرقاتار تاپسىرمالار بەردى.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
